അംഗരക്ഷകന്‍റെ വെടിയേറ്റ് ജഡ്‍ജിയുടെ ഭാര്യയും മകനും പരിക്ക്

ഗുരുഗ്രാം (ഹരിയാന): നടുറോഡില്‍ അംഗരക്ഷകന്‍റെ വെടിയേറ്റ് ജഡ്‍ജിയുടെ മകനും ഭാര്യയ്‍ക്കും പരിക്കേറ്റു. വാര്‍ത്ത ഗുഡ്‍ഗാവ്‍ പോലീസ് സ്ഥിരീകരിച്ചു. വെടിയുതിര്‍ക്കാനുള്ള പ്രകോപനം വ്യക്തമല്ല. നഗരത്തിലെ തിരക്കേറിയ അര്‍ക്കേഡിയ മാര്‍ക്കറ്റിന് സമീപത്തുവച്ചായിരുന്നു വെടിവെപ്പ്.


ഒരു അഡീഷണല്‍ സെഷന്‍സ് ജഡ്‍ജിന്‍റെ ഭാര്യയും മകനുമാണ് വെടിയേറ്റതെന്ന് ഗുരുഗ്രാം ഈസ്റ്റ് ഡിസിപി വാര്‍ത്ത ഏജന്‍സി എഎന്‍ഐയോട് പറഞ്ഞു.


അതിക്രൂരമായ അതിക്രമമാണ് നടന്നത് എന്ന് തെളിയിക്കുന്ന ദൃശ്യങ്ങളാണ് ഇപ്പോള്‍ പുറത്തുവരുന്നത്. നിരവധി ആളുകള്‍ നോക്കിനില്‍ക്കെയായിരുന്നു വെടിവെപ്പ്. വാര്‍ത്ത ഏജന്‍സി എഎന്‍ഐ ദൃശ്യങ്ങള്‍ പുറത്തുവിട്ടു.

(തിരുത്ത്: ഈ വാര്‍ത്ത റിപ്പോർട്ടില്‍ ജഡ്‍ജിയുടെ ഭാര്യയും മകനും മരണപ്പെട്ടതായി ആദ്യം തെറ്റായി റിപ്പോര്‍ട്ട് ചെയ്‍തിരുന്നു. തെറ്റായ വിവരങ്ങളുടെ അടിസ്ഥാനത്തില്‍ വാര്‍ത്ത നല്‍കിയതില്‍ ഖേദിക്കുന്നു)