ആം ആദ്മി പാര്‍ട്ടി പണം വാദ്ഗാനം ചെയ്ത് കബളിപ്പിച്ചെന്ന് ആരോപണം

ഹിസാര്‍(ഹരിയാന): ആം ആദ്മി പാര്‍ട്ടി റാലിയില്‍ പങ്കെടുക്കുന്നതിന് വാഗ്ദാനം ചെയ്ത പണം നല്‍കിയില്ലെന്ന് ആരോപണം. ആം ആദ്മി പാര്‍ട്ടി നേതാവും ഡല്‍ഹി മുഖ്യമന്ത്രിയുമായ അരവിന്ദ് കെജ്രിവാളിന്റെ റാലിയില്‍ പങ്കെടുക്കുന്നതിന് വാഗ്ദാനം ചെയ്ത പണം ലഭിച്ചില്ലെന്നാണ് ജനങ്ങള്‍ ആരോപിച്ചിരിക്കുന്നത്.

കഴിഞ്ഞ ദിവസം ഹിസാറിലായിരുന്നു ബിജെപി വിരുദ്ധ റാലി സംഘടിപ്പിച്ചിരുന്നത്. കെജ്രിവാളിന്റെ റാലിയില്‍ പങ്കെടുക്കാന്‍ ഒരാള്‍ക്ക് 350 രൂപയും ഒരു നേരത്തെ ആഹാരവുമാണ് പാര്‍ട്ടി പ്രവര്‍ത്തകര്‍ വാദ്ഗാനം ചെയ്തതെന്ന് ജനങ്ങള്‍ പറയുന്നു.

കുടുംബസമേതമാണ് പലരും റാലിക്കെത്തിയത്. എന്നാല്‍, വാഗ്ദാനം ചെയ്ത പണമോ ആഹാരമോ തങ്ങള്‍ക്ക് ലഭിച്ചില്ലെന്ന് ഇവര്‍ പറയുന്നു. ആരോപണങ്ങളോട് ആം ആദ്മി പ്രവര്‍ത്തകര്‍ ഇതുവരെ പ്രതികരിച്ചിട്ടില്ല