മത ചിഹ്നങ്ങളുളള നാണയങ്ങള്‍ പിന്‍വലിക്കണമെന്ന ഹര്‍ജി തള്ളി

ന്യുഡല്‍ഹി: മത ചിഹ്നങ്ങള്‍ പതിപ്പിച്ച നാണയങ്ങള്‍ പിന്‍വലിക്കണമെന്ന ഹര്‍ജി ഡല്‍ഹി ഹൈക്കോടതി തള്ളി. നാണയങ്ങളിലെ മത ചിഹ്നങ്ങള്‍ രാജ്യത്തിന്‍റെ മതേതര സ്വഭാവത്തിന് തിരിച്ചടിയാകില്ലെന്ന് ചൂണ്ടിക്കാട്ടിയാണ് കോടതി തള്ളിയത്. ഡല്‍ഹി സ്വദേശികളാണ് ഹര്‍ജി നല്‍കിയിരുന്നത്

2010, 2013 വർഷങ്ങളിലെ നാണയങ്ങളിൽ ബൃഹദീശ്വര ക്ഷേത്രത്തിന്റെയും മാതാ വൈഷ്ണോ ദേവിയുടെയും ചിത്രങ്ങൾ പതിപ്പിച്ചിരുന്നു. മതചിഹ്നങ്ങളായതിനാൽ ഈ നാണയങ്ങൾ പിൻവലിക്കണമെന്ന് ഹർജിക്കാർ ആവശ്യപ്പെടുകയായിരുന്നു. എന്നാല്‍ ആരോപണം തെളിയിക്കുന്നതിന് ആവശ്യമായ തെളിവുകള്‍ ഹാജരാക്കാനായില്ല.