ക‍ർണാടകയിലും കനത്ത മഴ: അഞ്ച് ജില്ലകളിൽ അതീവ ജാഗ്രത

ബെംഗലൂരു: കേരളത്തിന് പുറമെ അയൽ സംസ്ഥാനമായ കർണാടകയിലെ ചില മേഖലകളിലും കനത്ത മഴ തുടരുന്നു. അഞ്ച് തീരദേശ ജില്ലകളിൽ അതീവ ജാഗ്രത പ്രഖ്യാപിച്ചിട്ടുണ്ട്. കൊടക്, ദക്ഷിണ കന്നഡ, ഹാസൻ, ചിക്കമംഗലൂരു, ശിവമോഗ എന്നീ ജിലകളിലാണ് അതീവജാഗ്രത പ്രഖ്യാപിച്ചിരിക്കുന്നത്.

വരും ദിവസങ്ങളിലും കനത്ത മഴ തുടരുമെന്നാണ് റിപ്പോർട്ട്. ജില്ലാ ഭരണകൂടങ്ങളോടും ഉദ്യോഗസ്ഥരോടും അടിയന്തര നടപടികൾ കൈക്കൊള്ളാൻ കർണാടക മുഖ്യമന്ത്രി എച്ച്.ഡി.കുമാരസ്വാമി നിർദ്ദേശിച്ചു. ചില പ്രദേശങ്ങളിൽ നിന്ന് ജനങ്ങളെ മാറ്റാനും തീരുമാനമായിട്ടുണ്ട്.

സീനിയർ സെക്രട്ടറിമാരോട് ജില്ലകളിലെ സ്ഥിതിഗതികൾ വിലയിരുത്താൻ നിർദ്ദേശിച്ചിട്ടുണ്ട്. അതാത് ജില്ലകളുടെ ചുമതലയുള്ള മന്ത്രിമാരെയും പ്രവർത്തനങ്ങൾക്കായി ചുമതലപ്പെടുത്തിയിട്ടുണ്ട്.