ഹൈദരബാദില്‍ അഞ്ച് ദിവസംകൂടി കനത്ത മഴ തുടരും

ഹൈദരബാദ്: ഹൈദരബാദ് നഗരത്തില്‍ തുടര്‍ച്ചയായ മൂന്നാം ദിവസവും കനത്ത മഴ തുടരുന്നു. ബംഗാള്‍ ഉള്‍ക്കടലില്‍ ന്യൂനമര്‍ദ്ദം രൂപപ്പെട്ടതിനെത്തുടര്‍ന്ന് അടുത്ത അഞ്ച് ദിവസത്തേക്ക് മഴ തുടരുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചു.

വ്യാഴാഴ്ച്ചമുതല്‍ 7.6 സെന്‍റീമീറ്റര്‍ മഴയാണ് നഗരത്തില്‍ ലഭിക്കുന്നത്. മഴ ശക്തമായതിനെത്തുടര്‍ന്ന് മുഖ്യമന്ത്രി കെ ചന്ദ്രശേഖര റാവു മഴക്കെടുതി വിലയിരുത്താന്‍ നിര്‍ദേശം നല്‍കിയിരുന്നു. ഇതുവരെ 13 പേര്‍ മഴക്കെടുതികളില്‍ മരിച്ചതായാണ് റിപ്പോര്‍ട്ടുകള്‍. ആന്ധ്രപ്രദേശ് സംസ്ഥാനത്ത് നാല് മരണമാണ് കഴിഞ്ഞ ദിവസം വരെ റിപ്പോര്‍ട്ട് ചെയ്‍തത്. ഇന്നലെ ഇത് ഒന്‍പതായി ഉയര്‍ന്നു.

തെലങ്കാനയിലും മഴ മരണം വിതച്ചിട്ടുണ്ട്. അടുത്ത കുറച്ചു ദിവസത്തേക്കുകൂടി മഴ തുടരുമെന്ന് സ്വകാര്യ കാലാവസ്ഥാ നിരീക്ഷണ ഏജന്‍സി സ്കൈമെറ്റും അറിയിച്ചു.

heavy rains to continue in Hyderabad for another five days, warns IMD