ന്യൂഡൽഹി: ഹിമാലയൻ പർവത നിരകളിൽ കാണുന്ന ബുരാൻഷ് എന്ന ചെടിയുടെ പൂവിന്റെ ഇതളുകൾക്ക് കൊവിഡിനെ പ്രതിരോധിക്കാൻ ശേഷിയുണ്ടെന്ന അവകാശവാദവുമായി ഗവേഷകർ. ഐഐടി മണ്ഡി, ഇന്റർനാഷ്ണൽ സെന്റർ ഫോർ ജനറ്റിക്ക് എഞ്ചിനീയറിങ് ആന്റ് ബയോടെക്നോളജി എന്നിവിടങ്ങളിലെ ഗവേഷകരാണ് പഠനത്തിനു പിന്നിൽ. വിവിധ അസുഖങ്ങളെ പ്രതിരോധിക്കാൻ ബുരാൻഷ് പൂവ് ഉപയോഗിക്കാറുണ്ട്. ഈ പൂവിന്റെ ഇതളുകളിട്ട് തിളപ്പിക്കുന്ന വെള്ളത്തിൽ ക്വിനിക്ക് ആസിഡിന്റെ അളവ് വലിയതോതിൽ ഉണ്ടാകാറുണ്ട്. ഇത് വൈറസിനെ പ്രതിരോധിക്കുമെന്നാണ് കണ്ടെത്തൽ. ഇത് മരുന്നായി ഉപയോഗിക്കണമെങ്കിൽ കൂടുതൽ ഗവേഷണം ആവശ്യമാണ്.
ഹിമാലയത്തിലുള്ള വംശനാശ ഭീഷണി നേരിടുന്ന ഔഷധ സസ്യങ്ങളെക്കുറിച്ച് അറിവുണ്ടായിരുന്നു. അവയെക്കുറിച്ചുള്ള വിവരം ശേഖരിക്കാൻ തീരുമാനിച്ചു. ഭാവിയിലുള്ള ചികിത്സാ ആവശ്യങ്ങൾക്ക് ഉപയോഗപ്രദമായ ഒരു ലൈബ്രറി സൃഷ്ടിക്കുകയായിരുന്നു ലക്ഷ്യം. കൊവിഡ് ലോക്ഡൗണിനിടെയാണ് ശേഖരിച്ച വിവരങ്ങളെക്കുറിച്ച് കൂടുതൽ പഠിക്കാൻ തീരുമാനിച്ചതെന്ന് ഐഐടി മണ്ഡി സ്കൂള് ഓഫ് ബേസിക് സയന്സ് അസോസിയേറ്റ് പ്രൊഫസര് ശ്യാം കുമാര് മസകപള്ളി പറഞ്ഞു.
സാര്സ്-കോവ്-2 വൈറസ് ബാധിച്ച സെല്ലുകളിൽ പ്രത്യേകം തയ്യാറാക്കിയ ബുരാൻഷ് പൂവിന്റെ സത്ത് ഉപയോഗിച്ച് നടത്തിയ പരീക്ഷണത്തിൽ വൈറസിന്റെ പ്രജനനം കുറയുന്നതായി കണ്ടെത്തി.
പ്രകൃതിദത്തമായ മരുന്നായതിനാൽ പാർശ്വഫലങ്ങൾ കുറയുമെന്ന് ശ്യാംകുമാര് പറഞ്ഞു. 'ബയോമോളിക്യുലാര് സ്ട്രക്ചര് ആന്റ് ഡൈനാമിക്സ്' എന്ന ജേണലിലാണ് ഇതു സംബന്ധിച്ച പഠനം പ്രസിദ്ധീകരിച്ചിരിക്കുന്നത്.
ഹിമാലയത്തിലുള്ള വംശനാശ ഭീഷണി നേരിടുന്ന ഔഷധ സസ്യങ്ങളെക്കുറിച്ച് അറിവുണ്ടായിരുന്നു. അവയെക്കുറിച്ചുള്ള വിവരം ശേഖരിക്കാൻ തീരുമാനിച്ചു. ഭാവിയിലുള്ള ചികിത്സാ ആവശ്യങ്ങൾക്ക് ഉപയോഗപ്രദമായ ഒരു ലൈബ്രറി സൃഷ്ടിക്കുകയായിരുന്നു ലക്ഷ്യം. കൊവിഡ് ലോക്ഡൗണിനിടെയാണ് ശേഖരിച്ച വിവരങ്ങളെക്കുറിച്ച് കൂടുതൽ പഠിക്കാൻ തീരുമാനിച്ചതെന്ന് ഐഐടി മണ്ഡി സ്കൂള് ഓഫ് ബേസിക് സയന്സ് അസോസിയേറ്റ് പ്രൊഫസര് ശ്യാം കുമാര് മസകപള്ളി പറഞ്ഞു.
സാര്സ്-കോവ്-2 വൈറസ് ബാധിച്ച സെല്ലുകളിൽ പ്രത്യേകം തയ്യാറാക്കിയ ബുരാൻഷ് പൂവിന്റെ സത്ത് ഉപയോഗിച്ച് നടത്തിയ പരീക്ഷണത്തിൽ വൈറസിന്റെ പ്രജനനം കുറയുന്നതായി കണ്ടെത്തി.
പ്രകൃതിദത്തമായ മരുന്നായതിനാൽ പാർശ്വഫലങ്ങൾ കുറയുമെന്ന് ശ്യാംകുമാര് പറഞ്ഞു. 'ബയോമോളിക്യുലാര് സ്ട്രക്ചര് ആന്റ് ഡൈനാമിക്സ്' എന്ന ജേണലിലാണ് ഇതു സംബന്ധിച്ച പഠനം പ്രസിദ്ധീകരിച്ചിരിക്കുന്നത്.