തിരുച്ചിറപ്പള്ളി: തിരുച്ചിറപ്പള്ളിയിലെ കേന്ദ്ര സർക്കാർ ഓഫീസുകളുടേയും ബിഎസ്എൻഎൽ ഓഫീസിന്റേയും വിമാനത്താവളത്തിലേയും ബോർഡിലെ ഹിന്ദി വാക്കുകൾ കറുപ്പ് പെയിന്റുപയോഗിച്ച് മറച്ചത് വിവാദമാകുന്നു. ശനിയാഴ്ച രാവിലെയാണ് സംഭവം ശ്രദ്ധയിൽപ്പെട്ടത്. ബോർഡിൽ ഇംഗ്ലീഷിൽ എഴുതിയിരിക്കുന്നത് മായ്ച്ചിട്ടില്ല. കേന്ദ്ര സർക്കാരിന്റെ ത്രിഭാഷ നയത്തിൽ പ്രതിഷേധിച്ചാണ് ഹിന്ദിയിൽ എഴുതിയ പേരുകൾ കറുപ്പ് പെയിന്റ് ഉപയോഗിച്ച് മറച്ചതെന്നാണ് നിഗമനം. സംഭവത്തിൽ പോലീസ് അന്വേഷണം ആരംഭിച്ചു. ഇത്തരം നടപടിക്കെതിരെ ശക്തമായ നടപടി സ്വീകരിക്കുമെന്ന് പോലീസ് വ്യക്തമാക്കി.
കേന്ദ്രസർക്കാർ ഹിന്ദി അടിച്ചേൽപ്പിക്കുകയാണെന്ന് തമിഴ്നാട്ടിലെ പ്രധാന രാഷ്ട്രീയ കക്ഷിയായ ഡിഎംകെ ആരോപിച്ചു. പാഠപുസ്തകത്തിൽ ഇതിഹാസ തമിഴ് കവി സുബ്രഹ്മണ്യം ഭാരതിയുടെ തലക്കെട്ടിന് കാവി നിറം നൽകിയതും വിവാദമായിരുന്നു.
കേന്ദ്രസർക്കാർ ഹിന്ദി അടിച്ചേൽപ്പിക്കുകയാണെന്ന് തമിഴ്നാട്ടിലെ പ്രധാന രാഷ്ട്രീയ കക്ഷിയായ ഡിഎംകെ ആരോപിച്ചു. പാഠപുസ്തകത്തിൽ ഇതിഹാസ തമിഴ് കവി സുബ്രഹ്മണ്യം ഭാരതിയുടെ തലക്കെട്ടിന് കാവി നിറം നൽകിയതും വിവാദമായിരുന്നു.