ഹിന്ദുവായ വ്യക്തിയുടെ ശവസംസ്‍കാരം മുസ്ലീം ആചാരപ്രകാരം

ഝാൻസി: ഹിന്ദുവായ വ്യക്തിയുടെ ശവസംസ്‍കാരം മുസ്ലീം ആചാരപ്രകാരം നിര്‍വഹിച്ചു. ഉത്തര്‍പ്രദേശിലെ ഝാൻസിയിലാണ് നാടിന് മാതൃകയായ സംഭവം നടന്നത്. മദന്‍ മോഹന്‍ യാദവ് എന്ന 82 വയസ്സുള്ളയാളുടെ മൃതദേഹമാണ് മുസ്ലീം ആചാരപ്രകാരം സംസ്‍കരിച്ചത്.

അഞ്ച് പതിറ്റാണ്ടിലേറെയായി സമൂസ വിറ്റ് ജീവിച്ചിരുന്ന മദന്‍ മോഹന്‍ പ്രദേശത്തുകാര്‍ക്ക് സുപരിചിതനായിരുന്നു. താന്‍ മരിക്കുമ്പോള്‍ ഹിന്ദു വിശ്വാസപ്രകാരം ദഹിപ്പിക്കരുതെന്നും മറവ് ചെയ്‍താല്‍ മാത്രം മതിയെന്നും അദ്ദേഹം തന്‍റെ ബന്ധുക്കളോടും സുഹൃത്തുക്കളോടും പറയുമായിരുന്നു. ഇതു പ്രകാരം തിങ്കളാഴ്‍ച വൈകീട്ട് അദ്ദേഹത്തിന്‍റെ മൃതദേഹം മറവ് ചെയ്‍തു.

രണ്ട് മതങ്ങളോടും മദന്‍ മോഹന് ബഹുമാനമുണ്ടായിരുന്നെന്നും ഇരു മതങ്ങളിലെയും ആചാരങ്ങള്‍ അദ്ദേഹം പിന്തുടര്‍ന്നിരുന്നെന്നും ബന്ധുക്കള്‍ പറഞ്ഞു. ക്ഷേത്രത്തില്‍ പോകുന്നതിന് പകരം ദര്‍ഗ സന്ദര്‍ശിച്ചിരുന്ന മദന്‍ മോഹന്‍ റംസാന്‍ നോയമ്പ് കാലത്ത് അടുത്തുള്ള പള്ളിയില്‍ സമൂസ നല്‍കുകയും ചെയ്യുമായിരുന്നെന്ന് അദ്ദേഹത്തിന്‍റെ ഏറ്റവും ഇളയ മകന്‍ അശോക് യാദവ് പറഞ്ഞു.

മുസ്ലീം മതാചാരപ്രകാരം മൃതദേഹം മറവ് ചെയ്യുന്നതിന് മദന്‍ മോഹന്‍റെ ബന്ധുക്കള്‍ക്കും സുഹൃത്തുക്കള്‍ക്കും യാതൊരു എതിര്‍പ്പുമില്ലായിരുന്നു. ഝാന്‍സിയുടെ മേതതരത്വത്തിന് മറ്റൊരു ഉദാഹരണമാണിതെന്ന് നാട്ടുകാര്‍ പറയുന്നു.

Hindu mans last rites performed as per Muslim customs

The last rites of an 82-year-old Hindu man was performed as per Muslim rituals.