ആദ്യ തലാഖ് കേസ്: ഭര്‍ത്താവിനെതിരെ പോലീസ് കേസെടുത്തു

മീററ്റ്: മുത്തലാഖ് ഭരണഘടനാവിരുദ്ധമാണെന്ന് പ്രഖ്യാപിച്ച സുപ്രീം കോടതി വിധിക്കുശേഷം വന്ന ആദ്യ കേസില്‍ പോലീസ് ഭര്‍ത്താവിനെതിരെ കേസെടുത്തു. ഉത്തര്‍പ്രദേശിലെ മീററ്റിനടുത്തുള്ള സര്‍ധാനയില്‍ നടന്ന സംഭവത്തിലാണ് പോലീസ് കേസെടുത്തിരിക്കുന്നത്.

സര്‍ധാന സ്വദേശിയായ സിറാജ് അലി എന്നയാള്‍ക്കെതിരായാണ് പോലീസ് കേസെടുത്തത്. സ്ത്രീധനം ആവശ്യപ്പെട്ട് ഭര്‍ത്താവ് തന്നെ നിരന്തരം പീഡിപ്പിച്ചെന്നും ഒടുവില്‍ വീട്ടില്‍നിന്ന് പുറത്താക്കിയെന്നും ഇയാളുടെ ഭാര്യ അര്‍ഷി ബീഗം പരാതിപ്പെട്ടതിനെത്തുടര്‍ന്നാണ് നടപടി. ഇന്ത്യന്‍ ശിക്ഷാ നിയമം 498എ, 323, സ്ത്രീധന നിരോധന നിയമത്തിലെ വിവിധ വകുപ്പുകള്‍ എന്നിവ പ്രകാരമാണ് കേസെടുത്തതെന്ന് റൂറല്‍ എസ്‍പി രാജേഷ് കുമാര്‍ പറഞ്ഞു.

അര്‍ഷിയും സിറാജും വിവാഹിതരായത് 2011ലാണ്. ഇവര്‍ക്ക് മൂന്ന് മക്കളുമുണ്ട്. ഒരു ലക്ഷം രൂപയും കാറും സ്ത്രീധനമായി ആവശ്യപ്പെട്ട് ഭര്‍ത്താവും വീട്ടുകാരും തന്നെ നിരന്തരം പീഡിപ്പിച്ചതായാണ് പരാതി. ബുധനാഴ്‍ത ഭര്‍ത്താവ് തന്നെ പരസ്യമായി മൊഴിചൊല്ലിയതായി യുവതി പറയുന്നു.

മകളെ ഉപദ്രവിച്ച സിറാജിനോട് സംസാരിക്കാന്‍ താന്‍ വീട്ടിലെത്തിയപ്പോള്‍ പൊതുമധ്യത്തില്‍ അപമാനിക്കുകയും മകളെ തലാഖ് ചൊല്ലുകയുമായിരുന്നെന്ന് അര്‍ഷിയുടെ പിതാവ് റിയാസ് അഹമ്മദ് പറഞ്ഞു. തലാഖ് സുപ്രീം കോടതി നിരോധിച്ചെന്നും അതിന് നിയമസാധുതയില്ലെന്നും താന്‍ വാദിച്ചെങ്കിലും സിറാജ് അത് കേള്‍ക്കാന്‍ തയ്യാറായില്ലെന്നും അദ്ദേഹം കൂട്ടിച്ചേര്‍ത്തു.

Hubby booked for cruelty in 1st triple talaq case post SC order

In arguably the first triple talaq case in the country after the Supreme Court ban on it, police have taken action against a man whose wife alleged that he divorced her on Wednesday after persistent dowry demands and threw her out of the house.