ഹൈദരാബാദിൽ ഗൃഹനാഥൻ ഭാര്യയെയും മക്കളേയും തൂക്കിക്കൊന്നു

ഹൈദരാബാദ്: കുടുംബവഴക്കിനെത്തുടര്‍ന്ന് ഭാര്യയെയും മക്കളെയും ഗൃഹനാഥൻ തൂക്കിക്കൊന്നു. മീര്‍പെറ്റിനടുത്ത് ജില്ലേലഗുഡയിലാണ് സംഭവമുണ്ടായത്. പ്രതിയായ ഹരീന്ദര്‍ ഗൗഡ് ഒരു വര്‍ഷത്തോളമായി ജോലിയൊന്നുമില്ലാതെ വീട്ടിലിരിക്കുകയായിരുന്നു.

ഭാര്യ ജ്യോതിയെ (35) അടിച്ചുവീഴ്ത്തിയതിനു ശേഷമാണ് ഹരീന്ദര്‍ തൂക്കിക്കൊന്നത്. ഇതിനു ശേഷം മറ്റൊരു മുറിയിൽ കിടന്നുറങ്ങുകയായിരുന്ന ആറുവയസുകാരനായ മകൻ സഹസ്രയെയും നാലുവയസുകാരിയായ മകള്‍ സഹസ്രയെയും തൂക്കിക്കൊന്നു.

മീര്‍പെറ്റ് പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്. മുൻപ് ലാബ് ടെക്നീഷ്യനായി ജോലി ചെയ്തിരുന്ന ഹരീന്ദര്‍ ഭാര്യയുമായി വഴക്കിടുന്നത് പതിവായിരുന്നു.