വിവാഹം കഴിക്കാന്‍ സമ്മര്‍ദ്ദം: യുവാവ് കൂട്ടുകാരിയെ കൊന്നു

ഹൈദരാബാദ്: വിവാഹം കഴിക്കാന്‍ നിര്‍ബന്ധിച്ച കൂട്ടുകാരിയെ യുവാവ് പാറക്കെട്ടിനു മുകളില്‍നിന്ന് തള്ളിയിട്ടു കൊന്നു. ഹൈദരാബാദ് സ്വദേശിയായ ചാന്ദ്നി ജെയിന്‍ എന്ന പതിനേഴ് വയസ്സുകാരിയാണ് കൊല്ലപ്പെട്ടത്. ചാന്ദ്നിയുടെ സുഹൃത്തായ സായി കിരണ്‍ ആണ് കൊലപാതകത്തിനു പിന്നില്‍ എന്ന് പോലീസ് പറഞ്ഞു.

ആറ് മുതല്‍ 10 വരെ ക്ലാസ്സുകളില്‍ ഒരുമിച്ച് പഠിച്ച ഇരുവരും തമ്മില്‍ പ്രണയത്തിലായിരുന്നു. ബന്ധം തുടരാനും സായി കിരണിനെ വിവാഹം കഴിക്കാനുമായിരുന്നു ചാന്ദ്നിയുടെ ആഗ്രഹം. എന്നാല്‍ ഇതിന് താല്‍പര്യമില്ലാതിരുന്ന സായി ചാന്ദ്നിയെ വകവരുത്തുകയായിരുന്നു എന്നാണ് പോലീസ് പറയുന്നത്.

കഴിഞ്ഞ ദിവസം സുഹൃത്തുക്കളെ കാണാനെന്നുപറഞ്ഞ് വീട്ടില്‍നിന്ന് പുറത്തുപോയ ചാന്ദ്നി തിരിച്ചുവരാതിരുന്നതിനെത്തുടര്‍ന്ന് രക്ഷിതാക്കള്‍ പോലീസില്‍ പരാതി നല്‍കിയിരുന്നു. തുടര്‍ന്ന് പോലീസ് നടത്തിയ തിരച്ചിലിലാണ് ചാന്ദ്നിയുടെ മൃതദേഹം കണ്ടെടുത്തത്. ചാന്ദ്നിയെ പാറക്കെട്ടിനു മുകളിലേക്ക് കൂട്ടിക്കൊണ്ടുപോയ യുവാവ് അവിടുന്ന് തളളിയിടുകയായിരുന്നെന്നാണ് പോലീസിന്‍റ നിഗമനം.

കുറ്റകൃത്യം ചെയ്‍തിട്ടും യുവാവ് ചാന്ദ്നിയുടെ ശവശരീരം വീട്ടിലെത്തിച്ചശേഷം വീട് സന്ദര്‍ശിക്കുകയും ബന്ധുക്കളുടെ ദുഖത്തില്‍ പങ്കുചേര്‍ന്നിരുന്നു. എന്നാല്‍ സായിയും ചാന്ദ്നിയും ഓട്ടോയില്‍ കയറി പോകുന്നതായി ഒരു സിസിടിവി ദൃശ്യത്തില്‍നിന്ന് കണ്ടെത്തിയതോടെയാണ് യുവാവ് പോലീസിന്‍റെ പിടിയിലായത്.

Hyderabad Teen Killed By Friend Who Visited Her Home To Mourn, Say Cops

Hyderabad teen Chandani Jain, a Class 12 student, wanted Sai Kiran to marry her, police said. He allegedly killed her because he felt pressured by her.