ബിജെപിയിലേക്ക് പോകുമോ? നിലപാടറിയിച്ച് കോണ്‍ഗ്രസ് വക്താവും നടിയുമായ ഖുശ്ബു, സംഘികൾ ആഹ്ലാദിക്കേണ്ടെന്ന് താരം

ചെന്നൈ: ബിജെപിയിൽ ചേരുമെന്ന പ്രചാരണം ശക്തമായതോടെ പ്രതികരണവുമായി തമിഴ്‌നാട്ടിലെ കോൺഗ്രസ് വക്‌താവും നടിയുമായ ഖുശ്‌ബു. പ്രചരിക്കുന്ന വാർത്തകൾ അടിസ്ഥാന രഹിതമാണെന്നും താൻ ബിജെപിയിലേക്ക് പോകില്ല. തന്റെ അഭിപ്രായം പാര്‍ട്ടിയുടെ ഔദ്യോഗിക നിലപാടില്‍നിന്ന് വ്യത്യസ്‌തമാകാമെന്നും അവർ വ്യക്തമാക്കി.

Also Read: ആരോഗ്യ പ്രവർത്തകരുടെ ശമ്പളം ഒരാഴ്ചയ്ക്കുള്ളിൽ നിൽകണമെന്ന് സുപ്രീംകോടതി

ട്വിറ്റർ പേജിലൂടെയാണ് ഖുശ്‌ബു തൻ്റെ നിലപാട് വ്യക്തമാക്കിയത്. "സംഘികൾ ആഹ്ലാദിക്കാതെ ശാന്താരാകൂ. സ്വന്തമായി ചിന്തിക്കുന്ന തൻ്റെ നിലപാടുകൾ പാർട്ടിയുടെ ഔദ്യോഗിക നിലപാടിൽ നിന്നും വ്യത്യസ്‌താമായിരിക്കും. പുതിയ വിദ്യാഭ്യാസ നയത്തെ പലരും വിമർശിക്കുകയും പിഴവുകൾ ചൂണ്ടിക്കാട്ടുകയും ചെയ്യുന്നുണ്ട്. നല്ലവശങ്ങളും മോശമായ വശങ്ങളും അതിനുണ്ട്. അതെല്ലാം ഇപ്പോള്‍ വിശദീകരിക്കുന്നില്ല" - എന്നും അവർ പറഞ്ഞു.


ദേശീയ വിദ്യാഭ്യാസ നയം സംബന്ധിച്ച വ്യക്തിപരമായ അഭിപ്രായമാണ് പ്രകടിപ്പിച്ചത്. സ്വന്തമായി ചിന്തിക്കുന്ന താൻ എന്നും അങ്ങനെ തന്നെയാണ്. അങ്ങനെയാണെങ്കിലും എതിർക്കേണ്ട കാര്യങ്ങളെ ശക്തമായി എതിർക്കുകയും ചെയ്യും. പലപ്പോഴും ഒന്നിച്ചു നില്‍ക്കുകയും ചെയ്യേണ്ടിവരും. വിദ്യാഭ്യാസ നയം സംബന്ധിച്ച കാര്യത്തില്‍ കേന്ദ്ര സര്‍ക്കാര്‍ എല്ലാവരെയും വിശ്വാസത്തില്‍ എടുക്കണമെന്നും ഖുശ്‌ബു വ്യക്തമാക്കി.

Also Read: നോയിഡയിൽ ബഹുനില കെട്ടിടം തകർന്നുവീണു; നിരവധിയാളുകൾ കുടുങ്ങിക്കിടക്കുന്നു

കേന്ദ്ര കാബിനറ്റ് അംഗീകരിച്ച ദേശീയ വിദ്യാഭ്യാസ നയത്തെ സ്വാഗതം ചെയ്‌ത ഖുശ്‌ബുവിൻ്റെ പോസ്‌റ്റ് സമൂഹമാധ്യമങ്ങളിൽ വൈറലായിരുന്നു. നിരവധി മാധ്യമങ്ങളും വാർത്ത ഏറ്റെടുത്തു. താരം കോൺഗ്രസ് ബന്ധം ഉപേക്ഷിച്ച് ബിജെപിയിലേക്ക് പോകുമെന്ന വാർത്തകളും പിന്നാലെ ശക്തമായി. ബിജെപി പ്രവർത്തകരും പ്രവർത്തകരുമാണ് പ്രചാരണവുമായി മുന്നിൽ നിന്നത്. ഇതോടെയാണ് നിലപാട് വ്യക്തമാക്കി ഖുശ്‌ബു രംഗത്ത് എത്തിയത്.