രാഷ്ട്രീയത്തിൽ വിജയിക്കാനുള്ള രഹസ്യം അറിയില്ലെന്ന് രജനി

ചെന്നൈ: സ്വന്തം പാർട്ടിയുമായി രാഷ്ട്രീയത്തിൽ ഇറങ്ങുമെന്ന് പ്രഖ്യാപിച്ച കമൽഹാസന് നേരെ ഒളിയമ്പുമായി രജനികാന്ത്. ചെന്നൈയിൽ ശിവാജി ഗണേശൻ മെമ്മോറിയൽ ഉദ്ഘാടന ചടങ്ങിൽ കമൽ വേദിയിലിരിക്കെയാണ് രജനിയുടെ പരാമർശം.

പണമോ പ്രശസ്തിയോ കൊണ്ട് മാത്രം രാഷ്ട്രീയത്തിൽ വിജയിക്കാനാവില്ല. ശിവാജി ഗണേശനിൽ നിന്ന് നമുക്ക് ഒരുപാട് പഠിക്കാനുണ്ട്. രാഷ്ട്രീയത്തിലിറങ്ങിയ അദ്ദേഹം പരാജയപ്പെടുകയാണ് ഉണ്ടായത്. ഇത് എല്ലാവരും ഓർമ്മിക്കണമെന്നും രജനി പറഞ്ഞു.

"രാഷ്ട്രീയത്തിൽ വിജയിക്കണമെങ്കിൽ മറ്റ് പലതും കൂടി വേണം. എല്ലാവർക്കും അത് അറിയണമെന്നില്ല. എനിക്കും അതറിയില്ല. കമൽഹാസന് അത് അറിയുമായിരിക്കും. പക്ഷേ അത് അദ്ദേഹം എന്നോട് പറയണമെന്നില്ല. " - കമലിനെ നോക്കി ചിരിച്ച് കൊണ്ട് രജനി പറഞ്ഞു.

I don’t know how to succeed in politics, says Rajinikanth

Tamil actor Rajinikanth said that Kamal Haasan might know the secret to succeed in politics, while speaking at the inauguration of the memorial of Sivaji Ganesan in Chennai.