അഞ്ച് ലക്ഷത്തിലേറെ പലിശ ലഭിച്ചിട്ടും ആദായ നികുതി അടയ്ക്കാത്തവര്‍ കുടുങ്ങും

ന്യൂഡല്‍ഹി: വന്‍ തോതില്‍ പലിശ വരുമാനം ലഭിച്ചിട്ടും ആദായ നികുതി അടക്കാത്തവര്‍ ഇനി കുടുങ്ങും. സ്ഥിര നിക്ഷേപത്തില്‍നിന്ന് അഞ്ച് ലക്ഷത്തിലേറെ പലിശ ലഭിച്ചിട്ടും നികുതി അടയ്ക്കാത്തവരെ കണ്ടെത്താനാണ് ആദായ നികുതി വകുപ്പ് ശ്രമം തുടങ്ങിയിരിക്കുന്നത്.

ഇത്രയും വലിയ തുക പലിശ ലഭിക്കുന്നവരിലേറെയും മുതിര്‍ന്ന പൗരന്മാരാണ്. ഇവരില്‍ പലരും ആദായ നികുതി അടക്കുകയോ ഫയല്‍ റിട്ടേണ്‍ ചെയ്യുകയോ ചെയ്യാത്തവരാണെന്ന് കണ്ടെത്തിയിട്ടുണ്ട്. ഈ സാഹചര്യത്തിലാണ് വന്‍തോതില്‍ പലിശ വരുമാനം ലഭിക്കുന്നവരെ കണ്ടെത്താന്‍ പ്രത്യക്ഷ നികുതി ബോര്‍ഡ് ശ്രമം തുടങ്ങിയത്.

ബാങ്കുകള്‍ പത്ത് ശതമാനം ടിഡിഎസ് പിടിച്ചാണ് നിക്ഷേപകന് പലിശ കൈമാറുന്നത്. എന്നാല്‍ 30 ശതമാനം ടാക്‌സ് ബ്രാക്കറ്റിലുള്ളവര്‍ പോലും ബാക്കിയുള്ള നികുതി അടയ്ക്കാന്‍ തയ്യാറാകുന്നില്ലെന്ന് അധികൃതര്‍ പറയുന്നു. പണമായി പ്രതിഫലം പറ്റുന്ന പ്രൊഫഷണലുകളുടെ പിറകെയും ആദായ നികുതി വകുപ്പുണ്ട്. പലരും ആഡംബര ജീവിതം നയിക്കുമ്പോഴും വരുമാനം മുഴുവന്‍ റിട്ടേണില്‍ കാണിക്കുന്നില്ലെന്നും കണ്ടെത്തിയിട്ടുണ്ട്.

I-T lens on individuals who earn Rs 5-lakh interest on FD

Income tax authorities have now turned their attention to thousands of individuals who have high interest income from fixed deposits but are probably not paying tax.