കാണികളിൽ ആവേശമുണർത്തി വ്യോമസേനയുടെ സ്വാതന്ത്ര്യദിനാഘോഷം

ബെംഗലൂരു: മതേതര ചിന്തയും ദേശസ്നേഹവും സന്ദേശമായി നൽകി ഇന്ത്യൻ വ്യോമസേനയുടെ വിപുലമായ സ്വാതന്ത്ര്യദിനാഘോഷം. വ്യാഴാഴ്ച മല്ലേശ്വരം ബ്രിഗേഡ് ഗേറ്റ് വേയിലെ ഓറിയോൺ മാളിലാണ് പരിപാടികൾ നടന്നത്. മാര്‍ഷൽ അര്‍ജൻ സിങിനെ സ്മരിച്ചുകൊണ്ടാണ് ആഘോഷപരിപാടികള്‍ തുടങ്ങിയത്.



എയര്‍ വാരിയിര്‍ സിഫംണി ഓര്‍ക്കസ്ട്രയുടെ സംഗീതപരിപാടിയും എയര്‍ വാരിയര്‍ ഡ്രിൽ ടീമിൻ്റെ പരേഡും കാണികളെ ആവേശക്കൊടുമുടിയിൽ എത്തിച്ചു. ജനങ്ങളും പ്രതിരോധ സേനകളും തമ്മിലുള്ള ബന്ധം ശക്തമാക്കുക എന്ന ലക്ഷ്യത്തോടെയാണ് വ്യോമസേനയുടെ ആഘോഷപരിപാടികള്‍ നടന്നത്. എയര്‍ മാര്‍ഷൽ ടി ഡി ജോസഫ്, മുതിര്‍ന്ന എയര്‍ സ്റ്റാഫ് ഓഫീസര്‍ തുടങ്ങിയവര്‍ ആഘോഷപരിപാടികളിൽ പങ്കെടുത്തു.



റിജോയിസ് ഇൻ റെയ്സിന, സ്റ്റാര്‍ വാര്‍, എൻസ്പിരേറ്റോ, മൈക്കിൾ ജാക്സൺ മിക്സ് തുടങ്ങിയ 17 ഓളം ഗാനങ്ങള്‍ എയര്‍ വാരിയിര്‍ സിഫംണി ഓര്‍ക്കസ്ട്ര അവതരിപ്പിച്ചു.