ഐസിഎംആര്‍ ഡയറക്‌ടർ ജനറല്‍ ബല്‍റാം ഭാര്‍ഗവയ്ക്ക് കൊവിഡ്

ന്യൂഡൽഹി: ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐസിഎംആർ)ഡയറക്‌ടർ ജനറൽ ബൽറാം ഭാർഗവയ്‌ക്ക് കൊവിഡ്-19 സ്ഥിരീകരിച്ചു. രോഗബാധയെ തുടർന്ന് അദ്ദേഹത്തെ ഓൾ ഇന്ത്യ ഇൻസ്‌റ്റിറ്റ്യൂട്ട് ഓഫ് മെഡിക്കൽ സയൻസിൻ പ്രവേശിപ്പിച്ചു.

Also Read: കൊവിഡ് വാക്‌സിൻ സ്വീകരിക്കണോ? ചെയ്യേണ്ടതെന്ത്, ഇക്കാര്യങ്ങൾ അറിഞ്ഞിരിക്കണം

59കാരനായ ബൽറാം ഭാർഗവയെ ഡിസംബർ പതിനാറിന് എയിംസിലെ ട്രോമാ സെന്ററില്‍ പ്രവേശിപ്പിച്ചുവെന്ന് ആശുപത്രി വൃത്തങ്ങളെ ഉദ്ധരിച്ച് വാര്‍ത്താ ഏജന്‍സിയായ ഐഎഎന്‍എസ് റിപ്പോര്‍ട്ട് ചെയ്‌തു. അദ്ദേഹത്തിൻ്റെ ആരോഗ്യനില സംബന്ധിച്ച കൂടുതൽ വിവരങ്ങൾ പുറത്തുവന്നിട്ടില്ല.

അതേസമയം, കൊവിഡ് വാക്‌സിൻ വിതരണവുമായി ബന്ധപ്പെട്ട ആശങ്കകൾക്ക് കേന്ദ്ര ആരോഗ്യ മന്ത്രാലയം മറുപടി നൽകി. കൊവിഡ് വാക്‌സിൻ സ്വീകരിക്കണോ എന്ന കാര്യത്തിൽ ആളുകൾക്ക് സ്വയം തീരുമാനിക്കാമെന്ന് കേന്ദ്ര ആരോഗ്യ മന്ത്രാലയം വ്യക്തമാക്കി.

രാജ്യത്ത് വിതരണം ചെയ്യുക ഏത് വാക്‌സിൻ ആണെന്ന കാര്യത്തിൽ കേന്ദ്രം ഇതുവരെ നിലപാട് വ്യക്തമാക്കിയിട്ടില്ല. കൊവിഡ് വാക്‌സിന് രാജ്യം അംഗീകാരം നൽകിയ ശേഷമായിരിക്കും അവ വിപണിയിലെത്തുക. വാക്‌സിൻ സ്വീകരിക്കും മുൻപ് രജിസ്‌ട്രേഷൻ നടപടികൾ പൂർത്തിയാക്കണം.

Also Read: അമിത് ഷായുടെ സന്ദർശനം; ബംഗാളിലെ സിപിഎം എംഎൽഎ ബിജെപിയിലേക്ക്, തൃണമൂലിൽ കൊഴിഞ്ഞ് പോക്ക് തുടരുന്നു

വാക്‌സിൻ കുത്തിവെച്ച ശേഷം ചെറിയ തോതിലുള്ള പനി, വേദന തുടങ്ങിയ പാർശ്വഫലങ്ങൾ ചിലരിൽ ഉണ്ടാകാം. രണ്ടാമത്തെ ഡോസ് വാക്‌സിൻ സ്വീകരിച്ച് രണ്ടാഴ്‌ചകൾക്ക് ശേഷമാണ് ശരീരത്തിൽ വൈറസിനെതിരായ ആൻ്റിബോഡികൾ രൂപപ്പെടുകയെന്നും കേന്ദ്രം വ്യക്തമാക്കി. വിവിധ ഘട്ടങ്ങളിലായി ആറ് വാക്‌സിനുകളുടെ പരീക്ഷണങ്ങളാണ് രാജ്യത്ത് നടക്കുന്നത്.