കേരളത്തിലേക്ക് കൂടുതല്‍ വിമാനങ്ങൾ സര്‍വീസ് നടത്തും

ന്യൂഡൽഹി: കേരളത്തിലേക്ക് കൂടുതൽ വിമാന സർവീസുകൾ നടത്തുമെന്ന് വ്യോമയാന മന്ത്രി. പൈലറ്റുമാരുടെ സംഘടനയായ ഇന്ത്യന്‍ കൊമേഴ്‌സ്യല്‍ പൈലറ്റ്‌സ് അസോസിയേഷന്‍ പ്രതിഫലമില്ലാതെ തന്നെ കേരളത്തെ സഹായിക്കാൻ മുന്നോട്ട് എത്തിയിരിക്കുകയാണ്. പ്രളയം ദുരന്തം വിതച്ച പ്രദേശങ്ങളിൽ രക്ഷാപ്രവർത്തനങ്ങളുമായി സഹകരിച്ച് പ്രതിഫലം കൈപ്പറ്റാതെ വിമാനം പറത്താൻ തയ്യാറാണെന്ന് സംഘടന വ്യക്തമാക്കി.

ഓപ്പറേഷൻ സഹയോഗ്, ഓപ്പറേഷൻ മഡാഡ് എന്നീ പേരുകളിൽ നടക്കുന്ന ദുരന്ത നിവാരണ പ്രവർത്തനങ്ങളിൽ പങ്കാളികളായി വിമാന സർവീസുകൾ നടത്തുന്നതിന് പ്രതിഫലം ആവശ്യമില്ലെന്നാണ് സംഘടന പ്രധാനമന്ത്രിക്ക് അയച്ച കത്തിൽ വ്യക്തമാക്കിയിരിക്കുന്നത്.