കുപ്രസിദ്ധ വിഗ്രഹ മോഷണ സംഘത്തിലെ മലയാളി അറസ്റ്റിൽ

ചെന്നൈ: കുപ്രസിദ്ധ വിഗ്രഹ മോഷണ സംഘത്തിലെ മലയാളി പോലീസ് പിടിയിലായി. രാജ്യാന്തര വിഗ്രഹ മോഷണ റാക്കറ്റിൽ പങ്കാളിയായിരുന്ന തിരുവനന്തപുരം സ്വദേശി സഞ്ജീവി അശോകനാണ് തമിഴ്നാട്ടിൽ വെച്ച് പോലീസിന്‍റെ വലയിലായത്. ഇയാൾ 22 വര്‍ഷമായി പോലീസിനെ വെട്ടിച്ച് നടക്കുകയായിരുന്നു.

കുപ്രസിദ്ധ വിഗ്രഹ കടത്തുകാരൻ സുഭാഷ് ചന്ദ്ര കപൂറിന്‍റെ സംഘത്തിലെ വലംകൈ ആണ് അറസ്റ്റിലായ സഞ്ജീവി അശോകൻ. രാജ്യമെമ്പാടുമുള്ള കോടിക്കണക്കിന് രൂപ വിലമതിക്കുന്ന പല വിഗ്രഹങ്ങൾ വിദേശത്തേക്ക് കയറ്റി അയച്ചതിന്‍റെ പേരിലാണ് സുഭാഷ് ചന്ദ്ര കപൂര്‍ അറസ്റ്റിലായത്.