'ഒരാൾ ഹിന്ദുവാണെങ്കിൽ ദേശ സ്നേഹിയായിരിക്കണം, ഗാന്ധിയെ തട്ടിയെടുക്കാൻ സംഘം ശ്രമിക്കുന്നില്ല'

ന്യൂഡൽഹി: ഹിന്ദുവായി ജനിച്ചാൽ അവർ ദേശസ്നേഹികളായിരിക്കുമെന്ന് ആർഎസ്എസ് തലവൻ മോഹൻ ഭാഗവത്. ഹിന്ദുക്കളുടെ അടിസ്ഥാന സ്വഭാവം ദേശസ്നേഹമാണെന്നും അദ്ദേഹം പറഞ്ഞു. തന്റെ ദേശസ്നേഹം ധർമ്മത്തിൽ നിന്നാണ് ഉടലെടുത്തതെന്ന് മഹാത്മാ ഗാന്ധി പോലും പറഞ്ഞിട്ടുണ്ടെന്നും ഗാന്ധിക്ക് ദേശസ്നേഹം കൈവന്നത് ആത്മീയതയിലൂടെയാണെന്ന് പറഞ്ഞിട്ടുണ്ടെന്നും മോഹൻ ഭാഗവത് കൂട്ടിച്ചേർത്തു.

ഗാന്ധിയെ സംഘം തട്ടിയെടുക്കുകയാണെന്ന് അഭ്യൂഹം ഉണ്ട്. അത് ശരിയല്ലെന്നും ഗാന്ധിയെപ്പോലെയുള്ള മഹാന്മാരെ ആർക്കും തട്ടിയെടുക്കാൻ സാധിക്കില്ലെന്നും മോഹൻ ഭാഗവത് പറഞ്ഞു.

ഭിക്ഷയാണ് ജോലിയെങ്കിലും വേണ്ടില്ല, ഭാര്യയ്‍ക്ക് ജീവനാംശം കൊടുക്കണം: കോടതി
സ്ഥലത്തെ മാത്രം സ്നേഹിക്കുന്നുവെന്നത് ദേശസ്നേഹമല്ല. അവിടുത്തെ ജനങ്ങളേയും നദികളെയും സംസ്കാരത്തെയും പാരമ്പര്യങ്ങളെയുമെല്ലാം സ്നേഹിക്കുന്നുവെന്നതാണ് അതിന്റെ അർത്ഥം.

ഏകത്വം നിലനിർത്തുന്നതിൽ ഊന്നിയാണ് ഹിന്ദു മതത്തിന്റെ നിലനിൽപ്പ്. എല്ലാ മതങ്ങളുടേയും മതം ഹിന്ദുമതമാണെന്ന് ഗാന്ധി പറഞ്ഞിട്ടുണ്ട്. കെകെ ബജാജ് എംഡി ശ്രീനിവാസ് എഴുതിയ പുസ്തകത്തിന്റെ പ്രകാശന ചടങ്ങിൽ സംസാരിക്കുകയായിരുന്നു ആർഎസ്എസ് തലവൻ.