വാസ്‍തുശാസ്ത്രം പഠിപ്പിക്കാന്‍ ഐഐടി ഖരഗ്‍പൂര്‍

കൊല്‍ക്കത്ത: വാസ്‍തുശാസ്ത്രം സിലബസിന്‍റെ ഭാഗമാക്കാന്‍ രാജ്യത്തെ പ്രമുഖ ഉന്നതവിദ്യാഭ്യാസ സ്ഥാപനമായ ഐഐടി ഖരഗ്‍പൂര്‍ ഒരുങ്ങുന്നു. ഒന്ന്-രണ്ട് വര്‍ഷ ബിരുദ വിദ്യാര്‍ഥികള്‍ക്ക് ആഗസ്‍റ്റ് മുതല്‍ വാസ്‍തു ശാത്രത്തിന്‍റെ പ്രാഥമിക പാഠങ്ങള്‍ സിലബസിന്‍റെ ഭാഗമാകും.

ബിരുദാനന്തര ബിരുദ വിദ്യാര്‍ഥികള്‍ക്കും ഗവേഷകര്‍ക്കും വാസ്‍തു ശാത്രത്തെപ്പറ്റി ആഴത്തില്‍ പഠിക്കാനുള്ള സൗകര്യവും ഒരുക്കും. ഒരു പഠനശാഖ എന്ന നിലയില്‍ വാസ്‍തുശാസ്ത്രം ആര്‍ക്കിടെക്ചര്‍ സിലബസില്‍ ഉള്‍പ്പെടുന്നില്ല. അതേസമയം പാശ്ചാത്യ നിര്‍മാണ രീതികള്‍ പഠനത്തിന്‍റെ ഭാഗമാണുതാനും. ഇതാണ് വാസ്‍തുശാസ്ത്രവും സിലബസില്‍ ഉള്‍പ്പെടുത്താന്‍ കാരണം.

വാസ്‍തു ശാസ്ത്രം മതത്തില്‍ അടിസ്ഥാനപ്പെടുത്തിയതല്ലെന്നും അതിന്‍റെ ശാസ്ത്രീയ വശമാണ് പഠമവിധേയമാക്കുയെന്നുമാണ് അധികൃതര്‍ പറയുന്നത്.

IIT Kharagpur to introduce Vastu Shastra

Vastu will be introduced in graded modules to UG architecture students.