ദീപക് മിശ്രയ്ക്കെതിരെ ഇംപീച്ച്മെന്റ്: തിങ്കളാഴ്ച്ച നോട്ടീസ് നല്‍കും

ന്യൂഡൽഹി: സുപ്രീം കോടതി ചീഫ് ജസ്റ്റിസ് ദീപക് മിശ്രയെ ഇംപീച്ച് ചെയ്യാൻ പ്രതിപക്ഷം തിങ്കളാഴ്ച നോട്ടിസ് നൽകും. കോൺഗ്രസ് ഉൾപ്പെടെയുള്ള പ്രതിപക്ഷ കക്ഷികൾ നോട്ടീസിൽ‌ ഒപ്പുവച്ചു. മുതിർന്ന ജഡ്ജിമാര്‍ ഉന്നയിച്ച ആരോപണങ്ങളെ തുടർന്നാണ് ചീഫ് ജസ്റ്റിസിനെതിരെയുള്ള നീക്കം.

ദീപക് മിശ്രയെ പുറത്താക്കാനുള്ള സാധ്യത തേടി കോൺഗ്രസിന്റെ നേതൃത്വത്തിൽ നീക്കം ആരംഭിച്ചതായി കഴിഞ്ഞ ദിവസങ്ങളിൽ റിപ്പോർട്ടുകളുണ്ടായിരുന്നു. ഇതിന്റെ ഇതിന്റെ ഭാഗമായി ഇംപീച്ച്മെന്റ് പ്രമേയം അവതരിപ്പിക്കുന്നതിന് ഒപ്പുശേഖരണവും ആരംഭിച്ചു.

കുറഞ്ഞത് 50 എംപിമാർ ഒപ്പിട്ടിരിക്കണമെന്ന നിബന്ധനയുള്ളതിനാൽ, കഴിയുന്നതും വേഗം ഒപ്പുശേഖരണം പൂർത്തിയാക്കി ഇപ്പോൾ നടക്കുന്ന സമ്മേളനത്തിൽത്തന്നെ രാജ്യസഭയിൽ പ്രമേയം അവതരിപ്പിക്കാനുള്ള സാധ്യതകളാണ് കോൺഗ്രസ് തേടിയത്,

ജസ്റ്റിസ് ജസ്തി ചെലമേശ്വറിന്റെ നേതൃത്വത്തിലുള്ള നാലംഗ ജഡ്ജിമാരാണ് പരസ്യമായി വാർത്താസമ്മേളനം വിളിച്ച് ഇപ്പോഴുളള വ്യവസ്ഥിതിയോട് എതിര്‍പ്പ് പ്രകടിപ്പിച്ചത്.