ഇന്ത്യ-പാക് ഉഭയകക്ഷി ചർച്ചയാകാമെന്ന് മോദിയോട് ഇമ്രാൻ ഖാൻ

ന്യൂഡൽഹി: ഇന്ത്യയും പാകിസ്ഥാനും തമ്മിലുള്ള ഉഭയകക്ഷി ബന്ധം മെച്ചപ്പെടുത്തുന്നതിന് ചർച്ചകൾ ആരംഭിക്കണമെന്ന് പാക് പ്രധാനമന്ത്രി ഇമ്രാൻ ഖാൻ. ഇത് സൂചിപ്പിച്ച് ഇമ്രാൻ ഖാൻ പ്രധാനമന്ത്രി മോദിക്ക് കത്തയച്ചു.


ഇന്ത്യ, പാകിസ്ഥാൻ വിദേശകാര്യമന്ത്രിമാർ കൂടിക്കിക്കാഴ്ച നടത്തണമെന്ന ആശയവും ഇമ്രാൻ കത്തിലൂടെ പങ്കുവെച്ചു. 'മോദി സാഹബ്' എന്ന അഭിസംബോധനയോടെയാണ് ഇമ്രാന്റെ കത്ത് ആരംഭിക്കുന്നത്. വ്യാപാരം, ആധ്യാത്മിക വിനോദസഞ്ചാരം, ജനങ്ങൾ തമ്മിലുള്ള ബന്ധം, മനുഷ്യാവകാശ വിഷയങ്ങൾ എന്നിവക്ക് പുറമെ ഏറ്റവും പ്രധാനമായി തീവ്രവാദത്തെ കുറിച്ചും ഇരു രാജ്യങ്ങളും ചർച്ച ചെയ്യണമെന്ന് ഇമ്രാൻ കത്തിൽ പരാമർശിക്കുന്നു. 2015ന് ശേഷം ഇന്ത്യ-പാക് ഉഭയകക്ഷി ചർച്ച നടന്നിട്ടില്ല.