അമേഠി: വയനാട്ടിൽ നാമനിർദേശപത്രിക തള്ളിയതിനെ തുടർന്ന് സരിത എസ് നായർ രാഹുൽ ഗാന്ധിക്കെതിരെ അമേഠിയിൽ മത്സരിക്കും. പച്ചമുളക് ചിഹ്നത്തിലാണ് സരിത മത്സരിക്കുക. ഒരു മുന്നണിയുടെയും പാർട്ടിയുടെയും പിന്തുണയില്ലാതെ സ്വാതന്ത്രയായാണ് സരിത മത്സരിക്കുന്നത്. വയനാട്ടിൽ രാഹുൽ ഗാന്ധിക്കെതിരെ മത്സരിക്കാൻ സരിത പത്രിക സമർപ്പിച്ചിരുന്നു. എന്നാൽ സരിതയുടെ പേരിലുള്ള കേസുകൾ റദ്ദ് ചെയ്ത ഉത്തരവിന്റെ പകർപ്പ് തെരഞ്ഞെടുപ്പ് കമ്മീഷന്റെ മുന്നിൽ ഹാജരാക്കാൻ സാധിക്കാതിരുന്നതിനെ തുടർന്ന് പത്രിക തള്ളി പോയിരുന്നു.
എറണാകുളം മണ്ഡലത്തിൽ ഹൈബി ഈഡനെതിരെയും സരിത പത്രിക നൽകിയിരുന്നു. തിരുവനന്തപുരം മലയിൻകീഴ് വിളവൂർക്കലിലെ വീട്ടുവിലാസമാണ് പത്രികയിൽ നൽകിയിരിക്കുന്നത്. എറണാകുളത്തും വയനാട്ടിലും നൽകിയ പത്രികകകൾ തള്ളിപ്പോയതിനാലാണ് സരിത അമേഠിയിൽ മത്സരിക്കാൻ തീരുമാനിച്ചത്.
എറണാകുളം മണ്ഡലത്തിൽ ഹൈബി ഈഡനെതിരെയും സരിത പത്രിക നൽകിയിരുന്നു. തിരുവനന്തപുരം മലയിൻകീഴ് വിളവൂർക്കലിലെ വീട്ടുവിലാസമാണ് പത്രികയിൽ നൽകിയിരിക്കുന്നത്. എറണാകുളത്തും വയനാട്ടിലും നൽകിയ പത്രികകകൾ തള്ളിപ്പോയതിനാലാണ് സരിത അമേഠിയിൽ മത്സരിക്കാൻ തീരുമാനിച്ചത്.