രാജ്യം നിർണായക ഘട്ടത്തിൽ; കൊവിഷീൽഡ് വാക്‌സിന് അനുമതി നൽകിയേക്കും

ന്യൂഡൽഹി: ഇന്ത്യയിൽ കൊവിഷീൽഡ് വാക്‌സിന് വിദഗ്‌ധ സമിതി അനുമതി നൽകിയേക്കുമെന്ന് റിപ്പോർട്ട്. അടിയന്തര ഉപയോഗത്തിന് കൊവിഷീൽഡിനെ വിദഗ്‌ധ സമിതി ശുപാർശ ചെയ്യുമെന്നാണ് വാർത്താ ഏജൻസികൾ റിപ്പോർട്ട് ചെയ്യുന്നത്. എന്നാൽ ഇക്കാര്യത്തിൽ ഔദ്യോഗിക സ്ഥിരീകരണം ഉണ്ടായിട്ടില്ല.

ഓക്‌സ്‌ഫഡ് സര്‍വകലാശാലയും ആസ്ട്ര സെനക്കയും ചേര്‍ന്നു വികസിപ്പിച്ച് ഇന്ത്യയില്‍ സീറം ഇന്‍സ്റ്റിറ്റ്യൂട്ട് നിർമ്മിക്കുന്ന കൊവിഡ്-19 വാക്‌സിനാണ് കൊവിഷീൽഡ്. പുറത്തുവന്ന റിപ്പോർട്ടുകൾ ശരിയാണെങ്കിൽ ഡ്രഗ്‌സ് കൺട്രോൾ ജനറൽ അന്തിമ അനുമതി നൽകുന്നതോടെ രാജ്യത്ത് കൊവിഷീൽഡ് നൽകിത്തുടങ്ങും.

കൊവിഷീഡ് വാക്‌സിന് കേന്ദ്ര ആരോഗ്യമന്ത്രാലയം നിയോഗിച്ച വിദഗ്‌ധ സമിതി അനുമതിക്ക് ശുപാർശ നൽകിയതായി വാർത്താ ഏജൻസിയായ പിടിഐ റിപ്പോർട്ട് ചെയ്‌തു. ഭാരത് ബയോടെക്കിന്‍റെ വാക്സിനാണ് കൊവാക്സിനും വിദേശ സ്വകാര്യകമ്പനിയായ ഫൈസറിന്‍റെ വാക്‌സിനും അനുമതി വിദഗ്‌ധ സമിതി പരിഗണിക്കുന്നുണ്ട്.