ബാഗുകള്‍ കണ്ടെത്തിയതിനെ തുടര്‍ന്ന് പഠാന്‍കോട്ടില്‍ ജാഗ്രതാ നിര്‍ദേശം

ചണ്ഡിഗഡ്‌: പഠാന്‍കോട്ട് സൈനിക ക്യാമ്പിന് സമീപം കറുത്ത ബാഗുകൾ കണ്ടെത്തിയതിനെ തുടർന്ന് ജാഗ്രത നിർദേശം നൽകി. അതിർത്തിയിൽ സംഘർഷം തുടരുന്നതിനിടെയാണ് സംശയാസ്‍പദമായി രണ്ടു ബാഗുകൾ ക്യാമ്പിനടുത്ത് കണ്ടെത്തിയത്.

ആദ്യം നാട്ടുകാർ കണ്ടെത്തിയ ബാഗുകൾ പിന്നീട് സുരക്ഷാ സേന പരിശോധിച്ചു. മൊബൈൽ ടവർ ബാറ്ററികൾ ബാഗിൽ നിന്ന് ലഭിച്ചെന്നാണ് സൂചന. കഴിഞ്ഞാഴ്ച്ച സംശയാസ്‍പദമായ സാഹചര്യത്തിൽ ഒരു വാഹനത്തിൽ ആറ് പേർ സഞ്ചരിക്കുന്നത് സുരക്ഷാ സേനയുടെ ശ്രദ്ധയിൽപ്പെട്ടിരുന്നു. വാഹനം പരിശോധിക്കാൻ ശ്രമിച്ചപ്പോള്‍ ആറ് പേരും ഒാടി രക്ഷപ്പെട്ടു. വാഹനത്തിന്‍റെ നമ്പര്‍ വ്യാജമാണെന്ന് പോലീസ് കണ്ടെത്തി.

In Pathankot, unidentified bagsfound