ഇന്ന് വിവേകാനന്ദ സമാധി ദിനം: "ധനവും പദവിയും അധികാരവുമല്ല ആവശ്യം, ഹൃദയശുദ്ധിയാണ്‌"

ഇന്ന് ഇന്ത്യൻ ജനതയെ തൻ്റെ പ്രബോധനങ്ങള്‍ കൊണ്ട് സ്വാധീനിച്ച സ്വാമി വിവേകാനന്ദൻ്റെ 118-ാം സമാധി ദിനം. ശ്രീരാമകൃഷ്ണ പരമഹംസൻ്റെ ശിഷ്യനായിരുന്ന വിവേകാനന്ദനാണ് ശ്രീരാമകൃഷ്ണ മഠവും ശ്രീരാമ കൃഷ്ണ മിഷനും സ്ഥാപിച്ചത്. സ്വാമി വിവേകാനന്ദൻ്റെ ജന്മദിനം രാജ്യം ദേശീയ യുവജന ദിനമായും ആചരിക്കുന്നുണ്ട്.

1863 ജനുവരി 12നായിരുന്നു സ്വാമി വിവേകാന്ദൻ്റെ ജനനം. നരേന്ദ്രനാഥ് ദത്ത എന്നായിരുന്നു സന്ന്യാസം സ്വീകരിക്കുന്നതിനു മുൻപ് അദ്ദേഹത്തിൻ്റെ പേര്. വേദാന്ത തത്ത്വശാസ്ത്രത്തിനു വേണ്ടി ആധുനിക കാലത്ത് ശക്തമായി വാദിച്ച വിവേകാനന്ദൻ ആത്മീയ ഗുരുവെന്ന നിലയിൽ ഇന്ത്യയിലെമ്പാടും സ്വാധീനമറിയിച്ചിരുന്നു. ഭയരഹിതമായ പ്രസംഗങ്ങള്‍ കൊണ്ടും ആശയപ്രചാരണം കൊണ്ടും രാജ്യമെമ്പാടും അദ്ദേഹത്തിന് അനുയായികളുമുണ്ടായി.

വിവേകാനന്ദൻ്റെ വരവ് ഹിന്ദുമതത്തിലും ഭാരതീയ സംസ്കാരത്തിലും പുതിയ തുടക്കത്തിന് വഴിവെച്ചുവെന്നാണ് നീരക്ഷകര്‍ പറയുന്നത്. ഹിന്ദുമതത്തെ ആധുനിക കാലത്തിന് അനുസൃതമായ തരത്തിൽ നിരീക്ഷിക്കാനും മതസംസ്കാരത്തിന് വ്യാവസായിക യുഗത്തിൽ പുതിയ നിര്‍വചനം നല്‍കാനും വിവേകാനന്ദന് സാധിച്ചുവെന്നും ചൂണ്ടിക്കാട്ടപ്പെടുന്നു.

വിവേകാനന്ദൻ്റെ മഹത്‍‍വചനങ്ങള്‍