ഇന്ത്യാ ചൈന അതിര്‍ത്തി അസ്വസ്ഥമായി തുടരുന്നു: സുഭാഷ് ഭാംറെ

ന്യൂഡല്‍ഹി: ഇന്ത്യാ-ചൈനാ അതിര്‍ത്തി ഇപ്പോഴും അസ്വസ്ഥമായി തന്നെ തുടരുകയാണെന്ന് കേന്ദ്ര പ്രതിരോധ സഹമന്ത്രി സുഭാഷ് ഭാംറെ. ഇരുരാജ്യങ്ങള്‍ക്കിടയിലും 4000 കി മി അതിർത്തിയാണുള്ളത്. നിലവിൽ കൃത്യമായി നിർവചിച്ചിട്ടില്ലാത്തതിനാൽ ഇത് നിയന്ത്രണ രേഖയെന്നാണ് അറിയപ്പെടുന്നത്.

രാജ്യത്തിന്റെ വളര്‍ച്ചയ്ക്ക് സൈന്യത്തിന്റെ സംഭാവന എന്ന വിഷയത്തില്‍ സംഘടിപ്പിച്ച സെമിനാര്‍ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. നിലവിലെ വിവരമനുസരിച്ച് ചൈന അവരുടെ സൈന്യത്തെ ഇപ്പോഴും ഡോക്‌ലാമിന്റെ വടക്കന്‍ ഭാഗത്ത് നിലനിര്‍ത്തിയിട്ടുണ്ട്.

തര്‍ക്കസ്ഥലത്ത് നിര്‍മാണ പ്രവര്‍ത്തനങ്ങള്‍ക്കും പദ്ധതിയുണ്ട്. ചൈനയുമായുള്ള അസ്വസ്ഥകള്‍ മുന്‍കൂട്ടി കണ്ടാണ് കഴിഞ്ഞ ജനുവരിയില്‍ കരസേനാ മേധാവി നമ്മുടെ ശ്രദ്ധ ചൈനാ അതിര്‍ത്തി ചൈനാ അതിര്‍ത്തിയിലേക്ക് കൂടുതല്‍ പതിയേണ്ടതുണ്ട് എന്ന സൂചന നല്‍കിയത്.

ഐ എസ് ആശയങ്ങള്‍ ഇന്ത്യയിലേക്ക് കടത്തിവിടാന്‍ പാകിസ്താന്‍ പ്രത്യേക ശ്രമം നടത്തുന്നുണ്ടെന്നും ഭാംറെ ചൂണ്ടിക്കാട്ടി.