കൊവിഡിനെതിരെ മരുന്നെത്തി; ഇന്ത്യയിൽ ഓക്‌സ്‌ഫഡ് വാക്‌സിന് അനുമതി നൽകി

ന്യൂഡൽഹി: കൊവിഡ്-19 മഹാമാരിക്കെതിരെ ഇന്ത്യയിൽ അടിയന്തര ഉപയോഗത്തിനായി ഓക്‌സ്‌ഫഡ് വാക്‌സിന് അനുമതി നൽകി. അസ്ട്രസെനെക്കയും ഓക്സ്ഫോർഡ് സർവകലാശാലയും വികസിപ്പിച്ചെടുത്ത കൊറോണ വൈറസ് വാക്‌സിന് ഡിസിജിഐ അനുമതി നൽകിയതായി വാർത്താ ഏജൻസിയായ റോയിട്ടേഴ്‌സ് റിപ്പോർട്ട് ചെയ്‌തു.

ഇന്ത്യയിൽ കൊവിഷീൽഡ് വാക്‌സിന് വിദഗ്‌ധ സമിതി അനുമതി നൽകിയേക്കുമെന്ന് റിപ്പോർട്ട് മുൻപ് പുറത്തുവന്നിരുന്നു. അടിയന്തര ഉപയോഗത്തിന് കൊവിഷീൽഡിനെ വിദഗ്‌ധ സമിതി ശുപാർശ ചെയ്യുമെന്നാണ് വാർത്താ ഏജൻസികൾ റിപ്പോർട്ട് ചെയ്‌തിരുന്നത്.