ആഭ്യന്തര വിപണിയിൽ ലഭ്യത കുറഞ്ഞു; ഇന്ത്യയിൽ നിന്നുള്ള ഉള്ളി കയറ്റുമതി നിരോധിച്ചു

ന്യൂഡൽഹി: ആഭ്യന്തര വിപണിയിൽ ലഭ്യത കുറഞ്ഞതോടെ ഇന്ത്യയിൽ നിന്നുള്ള ഉള്ളി കയറ്റുമതി നിരോധിച്ചു. എല്ല വിഭാഗത്തിൽപ്പെട്ട ഉള്ളിയുടെയും കയറ്റുമതി നിരോധിക്കുന്നതായി ഡയറക്‌ടർ ഓഫ് ഫോറിൻ ട്രേഡ് വ്യക്തമാക്കി.

Also Read: എം ശിവശങ്കറിൻ്റെ സസ്‌പെൻഷൻ നാല് മാസത്തേക്ക് നീട്ടി; സാധാരണ നടപടിയെന്ന് സർക്കാർ

ആഭ്യന്തര വിപണിയിൽ ഉള്ളിയുടെ ലഭ്യത കുറഞ്ഞതോടെ വില വർധനവ് തുടരുകയാണ്. ഡൽഹിയടക്കമുള്ള സംസ്ഥാനങ്ങളിൽ കിലോയ്‌ക്ക് 40 രൂപയ്‌ക്ക് മുകളിലാണ് വിൽപ്പന നടക്കുന്നത്. സമാനമായ സാഹചര്യം മറ്റ് സംസ്ഥാനങ്ങളിലേക്കും വ്യാപിക്കുകയാണ്. ഈ പശ്ചാത്തലത്തിലാണ് ഉള്ളി കയറ്റുമതി ചെയ്യുന്നത് നിരോധിച്ചത്.


ബംഗ്ലാദേശ്, മലേഷ്യ, യുഎഇ, ശ്രീലങ്ക തുടങ്ങിയ രാജ്യങ്ങളിലേക്കാണ് ഉള്ളി കൂടുതലായി ഇന്ത്യയിൽ നിന്ന് കയറ്റി അയക്കുന്നത്. ദക്ഷിണേന്ത്യൻ സംസ്ഥാനങ്ങൾ മഴ ശക്തമായത് കർഷകർക്ക് തിരിച്ചടിയായിരുന്നു. വലിയൊരു ശതമാനം കൃഷിയും നഷ്‌ടപ്പെട്ടു. കൊവിഡ്-19 പ്രതിസന്ധി തുടരുന്നത് ഉത്പാദനത്തെ ബാധിക്കുന്നുണ്ട്. ഈ സാഹചര്യത്തിലാണ് ഇന്ത്യയിൽ നിന്നുള്ള ഉള്ളി കയറ്റുമതിയിൽ നിരോധനം ഏർപ്പെടുത്തിയത്.