ന്യൂഡൽഗി: ഇന്ത്യ രണ്ടാം വിഭജനത്തിലേക്ക് നീങ്ങുകയാണെന്ന് സുഭാഷ് ചന്ദ്രബോസിന്റെ കൊച്ചുമകനും പശ്ചിമ ബംഗാൾ ബിജെപി വൈസ് പ്രസിഡന്റുമായ ചന്ദ്രകുമാർ ബോസ്. പൗരത്വ നിയമ ഭേദഗതിക്കെതിരെയുള്ള പ്രതിഷേധങ്ങൾ എടുത്ത് പറയാതെയായിരുന്നു ചന്ദ്രകുമാർ ബോസിന്റെ പ്രതികരണം.
Also read: ഡല്ഹി തിരഞ്ഞെടുപ്പിനെ ഇന്ത്യാ പാകിസ്താന് പോരാട്ടമെന്ന് പറഞ്ഞ് ബിജെപി നേതാവ്
ഇന്ത്യൻ സമുദായങ്ങൾക്കിടയിൽ ഐക്യമില്ല. രാജ്യം തകർന്നുകൊണ്ടിരിക്കുകയാണ്. കൂടുതൽ വിശദാംശങ്ങളിലേക്ക് കടക്കുന്നില്ലെന്നും ചന്ദ്രകുമാർ ബോസ് പറഞ്ഞു. സുഭാഷ് ചന്ദ്രബോസിന്റെ ജന്മദിനമായ വ്യാഴാഴ്ചയായിരുന്നു ചന്ദ്രകുമാർ ബോസിന്റെ പ്രതികരണം. തന്റെ മുത്തച്ഛനെപ്പോലുള്ളവർക്കേ രാജ്യത്തെ രക്ഷിക്കാൻ സാധിക്കൂ എന്നും അദ്ദേഹം പറഞ്ഞു.
Also read: കേരളത്തിനും പഞ്ചാബിനും പിന്നാലെ പൗരത്വ ഭേദഗതി വിരുദ്ധ പ്രമേയം പാസാക്കാൻ രാജസ്ഥാൻ
നേതാജിയെ മുന്നിൽ നിർത്തി പ്രവർത്തിച്ചില്ലെങ്കിൽ രാജ്യം ഭിന്നിപ്പിക്കപ്പെടും. രാജ്യം വിഭജനത്തിലേക്ക് നീങ്ങും. പ്രധാനമന്ത്രി നരേന്ദ്ര മോദിക്ക് നൽകാൻ ആഗ്രഹിക്കുന്ന സന്ദേശമാണിതെന്നും അദ്ദേഹം വ്യക്തമാക്കി. പൗരത്വ നിയമ ഭേദഗതിയിൽ മുസ്ലിങ്ങളെ ഉൾപ്പെടുത്തണമെന്ന് ചന്ദ്രകുമാർ ബോസ് നേരത്തെ ആവശ്യപ്പെട്ടിരുന്നു. എന്നാൽ പാർട്ടി നേതൃത്വം ഇക്കാര്യം മുഖവിലയ്ക്കെടുത്തിരുന്നില്ല.