വേണ്ടത് നീണ്ട യുദ്ധം, 'ഇന്ത്യ ലോകത്തിന് മാതൃക'യെന്ന് പ്രധാനമന്ത്രി

ന്യൂഡല്‍ഹി: ലോകത്തിന് ഇന്ത്യ മാതൃകയെന്ന് പ്രധാനമന്ത്രി നരേന്ദ്ര മോദി. രാജ്യത്തിനൊപ്പം ലോകത്തെയും ഒന്നിച്ച് കൊണ്ടുപോകണം. ഈ പ്രതിസന്ധിയില്‍ ഒന്നിച്ചു നില്‍ക്കണമെന്ന് ബിജെപി പ്രവര്‍ത്തകരോട് മോദി.




കൊവിഡിനെതിരെ രാജ്യം സമയോചിത നടപടി എടുത്തെന്ന് മോദി. രാജ്യം ഒറ്റക്കെട്ടായി പേരാടി. ഐക്യദീപം തെളിയിക്കാന്‍ രാജ്യം ഒറ്റക്കെട്ടായി നിന്നു. വേണ്ടത് നീണ്ട യുദ്ധമാണ്. യുദ്ധത്തിനിടെ തളരാനോ വീഴാനോ പാടില്ല. രാജ്യം തീരുമാനമെടുത്ത വേഗത്തെ ലോകം അഭിനന്ദിക്കുന്നു. ലോക്ക് ഡൗണിനോട് ജനം അസാധാരണമായ ക്ഷമയും സഹകരണവും കാണിച്ചു', ബിജെപി സ്ഥാപകദിനമായ ഇന്ന് പാര്‍ട്ടി പ്രവര്‍ത്തകരെ അഭിസംബോധന ചെയ്തുകൊണ്ട് അദ്ദേഹം പറഞ്ഞു. പാവര്‍പ്പെട്ടവര്‍ക്ക് ബിജെപി പ്രവര്‍ത്തകര്‍ റേഷന്‍ എത്തിക്കണമെന്ന് മോദി അഭ്യര്‍ഥിച്ചു.