ഉറി മേഖലയിലെ അതിര്‍ത്തിയില്‍ ഇന്ത്യ-പാക് ഏറ്റുമുട്ടല്‍

ശ്രീനഗര്‍: ജമ്മു കശ്‍‍മീരിലെ ഉറി മേഖലയിലെ അതിര്‍ത്തി രേഖയില്‍ ഉച്ചയോടെ ഇന്ത്യ-പാക് ഏറ്റുമുട്ടൽ ആരംഭിച്ചു. അതിര്‍ത്തി രേഖയില്‍ പാക് വെടിനിര്‍ത്തല്‍ ലംഘിച്ചതിനെ തുടര്‍ന്നാണ് ആക്രമണം തുടങ്ങിയത്.
രാവിലെ 11.50 ഓടെ അതിര്‍ത്തിയില്‍ പാക് വെടിവെയ്പ് തുടങ്ങിയെന്നും കഴിഞ്ഞ നാല് ദിവസമായി ബാരാമുള്ള ജില്ലയില്‍ പാക് സൈന്യം വെടിനിര്‍ത്തല്‍ കരാര്‍ ലംഘിക്കുകയാണെന്നും പ്രതിരോധ മന്ത്രാലയം വക്താവ് കേണല്‍ രാജേഷ് കാലിയ വ്യക്തമാക്കി.

എന്നാല്‍, ഇന്ന് മാത്രമാണ് ഇന്ത്യ പ്രത്യാക്രമണം നടത്തിത്തുടങ്ങിയതെന്നും ആക്രമണം രൂക്ഷമായതിനെ തുടര്‍ന്ന് മേഖലയിലെ ആളുകളെ സുരക്ഷിത സ്ഥാനങ്ങളിലേക്ക് മാറ്റി പാര്‍പ്പിച്ചിട്ടുണ്ടെന്നും പ്രതിരോധ മന്ത്രാലയം വക്താവ് കൂട്ടിച്ചേര്‍ത്തു.