രാജ്യത്ത് 42,640 കൊവിഡ് ബാധിതർ കൂടി; മരണനിരക്ക് കുറഞ്ഞു, 6,62,521 സജീവ കേസുകൾ

കേന്ദ്ര ആരോഗ്യ മന്ത്രാലയം ഇന്ന് രാവിലെ പുറത്തുവിട്ട കണക്കുകൾ കഴിഞ്ഞ 24 മണിക്കൂറിനുള്ളിൽ രാജ്യത്ത് 42,640 കൊവിഡ് കേസുകളാണ് റിപ്പോർട്ട് ചെയ്തത്. 91 ദിവസത്തിനുള്ളിലെ ഏറ്റവും കുറഞ്ഞ കണക്കാണിത്. ഇതോടെ രാജ്യത്ത് സ്ഥിരീകരിച്ച ആകെ കൊവിഡ് കേസുകളുടെ എണ്ണം 2,99,77,861 ആയി ഉയർന്നു. ജൂൺ ആദ്യ ആഴ്ചയ്ക്ക് ശേഷം സംസ്ഥാനത്ത് കൊവിഡ് കേസുകൾ കുറയുന്നുവെന്നാണ് കണക്കുകൾ വ്യക്തമാക്കുന്നത്.

കൊവിഡ് കേസുകൾ കുറഞ്ഞ തോതിൽ എത്തിയെങ്കിലും രാജ്യത്തെ മരണനിരക്ക് ഒരു ഘട്ടത്തിൽ ഉയർന്ന തോതിലായിരുന്നു. കഴിഞ്ഞ 24 മണിക്കൂറിനുള്ളിൽ 1,167 കൊവിഡ് മരണങ്ങളാണ് റിപ്പോർട്ട് ചെയ്തത്. ഇതോടെ രാജ്യത്തേ ആകെ മരണസംഖ്യ 3,89,302 ആയി ഉയർന്നു. സംസ്ഥാനങ്ങളിലെ ആശുപത്രികളിൽ എണ്ണത്തിൽ കുറവ് സംഭവിച്ചതും ഗുരുതരാവസ്ഥയിലുള്ളവരുടെ എണ്ണം കുറഞ്ഞതും കൊവിഡ് മരണസംഖ്യ കുറയാൻ കാരണമായി.

കഴിഞ്ഞ 24 മണിക്കൂറിനിടെ രാജ്യത്ത് 81,839 പേർ കൊവിഡ് മുക്തി നേടി. ഇതോടെ 2,89,26,038 പേർ ഇതുവരെ കൊവിഡ് മുക്തി നേടി. രാജ്യത്താകെ 6,62,521 സജീവ കൊവിഡ് കേസുകളാണ് നിലവിലുള്ളത്. 28,87,66,201 പേർക്ക് ഇതുവരെ കൊവിഡ് പ്രതിരോധ വാക്സിൻ കുത്തിവെക്കാൻ കഴിഞ്ഞതായും കേന്ദ്ര ആരോഗ്യ മന്ത്രാലയം വ്യക്തമാക്കി. ലോക്ക് ഡൗൺ അടക്കമുള്ള നിയന്ത്രണങ്ങളാണ് കൊവിഡ് കേസുകൾ കുറയാൻ സഹായമായത്. പ്രതിദിന കേസുകളുടെ എണ്ണം കുറഞ്ഞതോടെ പല സംസ്ഥാനങ്ങളും കൂടുതൽ ഇളവുകളിലേക്ക് കടന്നു.

പുതിയ വാക്സിൻ നയം നിലവിൽ വന്ന തിങ്കളാഴ്ച 86 ലക്ഷത്തിലധികം പേർക്ക് പ്രതിരോധ വാക്സിൻ നൽകാൻ കഴിഞ്ഞെന്ന് ആരോഗ്യ മന്ത്രാലയ വ്യക്തമാക്കി. കഴിഞ്ഞ 24 മണിക്കൂറിനുള്ളിലെ കണക്കാണ് അധികൃതർ പുറത്തു വിട്ടത്. 86,16,373 വാക്സിൻ ഡോസുകൾ നൽകിയത്. ഇതുവരെയുള്ള പ്രതിദിന വാക്സിൻ വിതരണത്തിലെ ഏറ്റവും ഉയർന്ന കണക്കാണിത്. ഒറ്റ ദിവസം 42,65,157 ഡോസുകൾ വിതരണം ചെയ്തതാണ് ഇതിന് മുൻപുള്ള ഏറ്റവും ഉയർന്ന വാക്സിനേഷൻ കണക്ക്. രാജ്യത്ത് ഏറ്റവുമധികം പേർക്ക് വാക്സിൻ നൽകിയത് ഹരിയാനയിലാണ്. രണ്ട് ലക്ഷം പേർക്കാണ് വാക്സിൻ നൽകിയത്. മധ്യപ്രദേശാണ് ഏറ്റവുമധികം വാക്സിൻ ഡോസുകൾ (16,01,548) വിതരണം ചെയ്തത്. ഉത്തർപ്രദേശ് (6,74,546), രാജസ്ഥാൻ (4,30,439), മഹാരാഷ്ട്ര (3,78,945), പശ്ചിമ ബംഗാൾ (3,17,991) എന്നിങ്ങനെയാണ് മറ്റ് സംസ്ഥാനങ്ങളുടെ കണക്കുകൾ.