കൊവിഡ് മരണം 45,000 കവിഞ്ഞു; 24 മണിക്കൂറിനിടെ 53,000 ത്തിലധികം രോഗികള്‍

ന്യൂഡല്‍ഹി: രാജ്യത്ത് പ്രതിദിന കൊവിഡ് കേസുകളില്‍ വന്‍ കുറവ്. കഴിഞ്ഞ കുറച്ച് ദിവസങ്ങളായി 60,000 കടന്നാണ് കൊവിഡ് കേസുകള്‍ റിപ്പോര്‍ട്ട് ചെയ്തത്. എന്നാല്‍, ഇന്നത്തെ കൊവിഡ് രോഗബാധയില്‍ നേരിയ ആശ്വാസം കിട്ടിയിരിക്കുകയാണ്.

Also Read: സംസ്ഥാനത്ത് 10 ദിവസത്തിനിടെ ഒരു മാസത്തിൽ ലഭിക്കുന്നതിനേക്കാൾ മഴ; ഇന്ന് യെല്ലോ അലേർട്ട്


കഴിഞ്ഞ 24 മണിക്കൂറിനിടെ രാജ്യത്ത് 53,601 കൊവിഡ് കേസുകളാണ് റിപ്പോര്‍ട്ട് ചെയ്തത്. ഈ സമയപരിധിയില്‍ 871 പേരുടെ ജീവന്‍ നഷ്ടപ്പെടുകയും ചെയ്തു. ഇന്ത്യയില്‍ സജീവ കേസുകള്‍ 28.21 % വും രോഗമുക്തി നേടിയത് 69.80 % വും മരണനിരക്ക് 1.99 % വുമാണ്.


Also Read: രണ്ട് വർഷത്തിനിടെ ബ്രീത്ത് അനലൈസർ ടെസ്റ്റിൽ പരാജയപ്പെട്ടത് 108 പൈലറ്റുുമാർ

രാജ്യത്ത് ആകെ കൊവിഡ് കേസുകള്‍ 2,68,676 ആയി ഉയര്‍ന്നിരിക്കുകയാണ്. 15,83,490 പേര്‍ രോഗമുക്തി നേടി ആശുപത്രി വിട്ടു. നിലവില്‍ 6,39,929 രോഗികള്‍ രാജ്യത്ത് വിവിധ ആശുപത്രികളിലായി ചികിത്സയില്‍ കഴിയുന്നുണ്ട്. 45,257 പേര്‍ക്ക് കൊവിഡ് മൂലം ജീവന്‍ നഷ്ടപ്പെട്ടു. കേന്ദ്ര ആരോഗ്യ മന്ത്രാലയം ആണ് കണക്കുകള്‍ പുറത്തുവിട്ടത്.

Also Read: എന്താണ് eia; ഭേദഗതിയ്‌ക്കെതിരെ ഇത്രയധികം പ്രതിഷേധങ്ങള്‍ എന്തുകൊണ്ട്?

അതേസമയം, ലോകത്താകമാനം കൊവിഡ് ബാധിതരുടെ എണ്ണം രണ്ട് കോടി കടന്നു. 20,001,019 പേര്‍ക്കാണ് ലോകത്ത് ഇതുവരെ രോഗം ബാധിച്ചത്. 7,33,897 ആളുകളാണ് ഇതുവരെ കൊവിഡ് ബാധയെ തുടര്‍ന്ന് ജീവന്‍ നഷ്ടപ്പെട്ടത്.

മഹാരാഷ്‌ട്ര, തമിഴ്‌നാട്, ഡൽഹി, കർണാടക, ആന്ധ്രപ്രദേശ് സംസ്ഥാനങ്ങളിലാണ് ഏറ്റവും കൂടുതല്‍ കൊവിഡ് കേസുകൾ റിപ്പോര്‍ട്ട് ചെയ്തിട്ടുള്ളത്. ചെന്നൈ, മുംബൈ നഗരങ്ങളിലും കൊവിഡ് ബാധിതരുടെ എണ്ണം ഉയർന്ന തോതിലാണ്. രാജ്യം അൺലോക്ക് നടപടികളുമായി മുന്നോട്ട് പോകുമ്പോഴാണ് കൊവിഡ് കുതിപ്പ്.