24 മണിക്കൂറിനിടെ 54,069 കൊവിഡ് കേസുകൾ
രാജ്യത്ത് കഴിഞ്ഞ 24 മണിക്കൂറിനിടെ 54,069 കൊവിഡ് കേസുകളാണ് സ്ഥിരീകരിച്ചത്. ഇതോടെ ആകെ കൊവിഡ് ബാധിതരുടെ എണ്ണം 3,00,82,778 ആയി ഉയർന്നിരിക്കുകയാണ്. 6,27,057 ആക്ടീവ് കൊവിഡ് കേസുകളാണ് നിലവിൽ രാജ്യത്തുള്ളത്. 2,90,63,740 പേർക്ക് രോഗമുക്തി ലഭിച്ചതായും ആരോഗ്യ മന്ത്രാലയം വ്യക്തമാക്കി. കഴിഞ്ഞദിവസം 68,885 പേരാണ് രോഗം ഭേദമായി ആശുപത്രി വിട്ടത്. 30,16,26,028 ഡോസ് വാക്സിനാണ് രാജ്യത്ത് ഇതുവരെ വിതരണം ചെയ്തിട്ടുള്ളത്.
കൊവിഡ് മരണങ്ങൾ 3,91,981
രാജ്യത്ത് കൊവിഡ് മരണങ്ങളിൽ കുറവ് രേഖപ്പെടുത്താൻ തുടങ്ങി എന്നത് ആശ്വാസമേകുന്ന കാര്യമാണ്. കഴിഞ്ഞ 24 മണിക്കൂറിനിടെ 1,321 മരണമാണ് റിപ്പോര്‍ട്ട് ചെയ്തിരിക്കുന്നത്. കഴിഞ്ഞദിവസങ്ങളിൽ 2500ലേറെ മരണമായിരുന്നു രാജ്യത്ത് റിപ്പോർട്ട് ചെയ്തത്. ഇതോടെ രാജ്യത്തെ ആകെ കൊവിഡ് മരണങ്ങൾ 3,91,981 ആയി ഉയർന്നു.
കൊവിഡ് കണക്ക്
പോസിറ്റിവിറ്റി നിരക്കുകള്‍
രാജ്യത്തെ കൊവിഡ് കേസുകളിൽ കുറവ് രേഖപ്പെടുത്തി. 83 ദിവസങ്ങള്‍ക്കിടയിലെ ഏറ്റവും കുറഞ്ഞ സജ്ജീവ കേസുകളാണ് ഇപ്പോഴുള്ളത് എന്ന് കണക്കുകള്‍ വ്യക്തമാക്കുനന്നു. അതോടൊപ്പം രാജ്യത്തെ രോഗമുക്തി നിരക്ക് എന്നത് 96.61 ശതമാനമായി ഉയര്‍ന്നു. ടെസ്റ്റ് പോസിറ്റിവിറ്റി നിരക്ക് 2.91 ശതമാനം മാത്രവുമാണെന്ന് ആരോഗ്യമന്ത്രാലയം വ്യക്തമാക്കുന്നു.
പോസിറ്റിവിറ്റി നിരക്ക്
രാജ്യത്ത് കൊവിഡ് പരിശോധന 39,78,32,667
രാജ്യത്ത് കൊവിഡ് പരിശോധന കഴിഞ്ഞദിവസങ്ങളിൽ വർധിപ്പിച്ചിരുന്നു. കഴിഞ്ഞ 24 മണിക്കൂറിനിടെ 18,59,469 സാമ്പിളുകളാണ് പരിശോധിച്ചത്. ഇന്നലത്തെ കണക്കുകൾ കൂടി ചേർന്നതോടെ ഇതുവരെ നടത്തിയ പരിശോധനകളുടെ എണ്ണം 39,59,73,198 ആയി ഉയർന്നെന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ച് വ്യക്തമാക്കി.