രാജ്യത്ത് മൂന്ന് ലക്ഷം യോഗ പരിശീലകരുടെ കുറവുണ്ടെന്ന് പഠനം

ന്യുഡല്‍ഹി: ഇന്ത്യയില്‍ മൂന്ന് ലക്ഷം യോഗ പരിശീലകരുടെ കുറവുണ്ടെന്ന് പഠനം. അസോസിയേറ്റഡ് ചേംബര്‍ ഓഫ് കൊമേഴ്‌സ് (അസോചം) നടത്തിയ പഠനത്തിലാണ് പുതിയ വിവരം. അന്താരാഷ്ട്ര യോഗ ദിനാഘോഷം ആചരിച്ച് തുടങ്ങിയതോടെ യോഗയുടെ പ്രചാരം വര്‍ദ്ധിച്ചുവരുന്ന സാഹചര്യത്തില്‍ കൂടുതല്‍ പരിശീലകര്‍ ആവശ്യമായി വരുന്നുണ്ടെന്നും പഠനത്തില്‍ വ്യക്തമാക്കുന്നു.

യോഗയുടെ പ്രചാരം വര്‍ധിപ്പിക്കുന്നത് യോഗ പരിശീലകര്‍ക്ക് കൂടുതല്‍ തൊഴിലവസരങ്ങള്‍ നല്‍കും. യോഗ പരിശീലകര്‍ക്ക് അവരുടെ പ്രവൃത്തി പരിചയത്തിന്റെ അടിസ്ഥാനത്തില്‍ ഫീസ് ഇൗടാക്കാമെന്നും അസോചം വ്യക്തമാക്കുന്നു. യോഗ ഒരു ജീവിതശൈലി എന്ന നിലയില്‍ അംഗീകരിക്കപ്പെട്ടതോടെ യോഗ സ്റ്റഡി സെന്ററുകളും യോഗ കോച്ചിങ്ങുകളും രാജ്യമൊട്ടാകെ വ്യാപിച്ചിരിക്കുകയാണ്.

കോളേജുകള്‍, കോര്‍പ്പറേറ്റ് സ്ഥാപനങ്ങള്‍, റീഹാബിലിറ്റേഷന്‍ സെന്‍ററകള്‍, ആശുപത്രികള്‍ തുടങ്ങിയ ഇടങ്ങളില്‍ യോഗ പരിശീലിക്കുന്നത് വര്‍ദ്ധിച്ചിരിക്കുകയാണെന്നും പഠനം പറയുന്നു. ചൈനയില്‍ മാത്രം 3000 ത്തോളം ഇന്ത്യന്‍ യോഗാധ്യാപകരുണ്ട്. ഇവരില്‍ ഭൂരിഭാഗം പേരും ഋഷികേശ് ,ഹരിദ്വാര്‍ എന്നിവിടങ്ങളില്‍ നിന്നുളളവരാണ്. ഇൗ വര്‍ഷം ജൂണ്‍ 21 നാണ് അന്താരാഷ്ട്ര യോഗ ദിനമായി ആചരിക്കുന്നത്

India short of 3 lakh yoga instructors with demand at all-time high: Assocham

At present, India is facing a shortage of about 3 lakh yoga instructors as against the requirement of over 5 lakh yoga practitioners, a study done by Assocham