അഫ്ഗാനിസ്ഥാനിൽ ബോംബാക്രമണം; ഇന്ത്യക്കാരൻ കൊല്ലപ്പെട്ടതിൽ ആഭ്യന്തര വകുപ്പ് പ്രതിഷേധം അറിയിച്ചു

ന്യൂഡൽഹി: അഫ്ഗാനിസ്ഥാനിലെ കാബൂളിൽ നടന്ന ബോംബ് ആക്രമണത്തിൽ കൊല്ലപ്പെട്ടവരിൽ ഇന്ത്യക്കാരനും ഉൾപ്പെട്ടതായി ആഭ്യന്തര മന്ത്രാലയത്തിന്റെ സ്ഥിരീകരണം. അക്രമണത്തിനു പിന്നിൽ പ്രവർത്തിച്ചവരെ നിയമത്തിനു മുന്നിൽ കൊണ്ടുവരണമെന്ന് ആഭ്യന്തരമന്ത്രാലയം അഫ്ഗാൻ സർക്കാരിനോട് അഭ്യർത്ഥിച്ചു.

ബോംബ് സ്ഫോടനത്തിൽ അഞ്ചുപേർ കൊല്ലപ്പെടുകയും നൂറോളംപേർക്ക് പരിക്കേൽക്കുകയും ചെയ്തിരുന്നു. ആക്രണത്തിന്റെ ഉത്തരവാദിത്വം താലിബാൻ ഏറ്റെടുത്തു. രൂക്ഷമായ ഭാഷയിലാണ് അഫ്ഗാൻ സർക്കാരിനെ ആഭ്യന്തര മന്ത്രാലയം കുറ്റപ്പെടുത്തിയിരിക്കുന്നത്.

കാബൂളിലെ ഇന്ത്യൻ എംബസി മരിച്ചയാളുടെ മൃതദേഹം തിരിച്ച് നാട്ടിലെത്തിക്കാനുള്ള ശ്രമത്തിലാണ്.