ഇന്ത്യ - ഇസ്രയേല്‍ സംയുക്ത മിസൈല്‍ ദൗത്യം വിജയകരം

ഇന്ത്യ - ഇസ്രയേല്‍ സംയുക്ത സഹകരണത്തോടെ നിര്‍മിച്ച മധ്യദൂര ബാലിസ്റ്റിക് മിസൈല്‍ ഒഡീഷ തീരത്തുനിന്ന് വിജയകരമായി വിക്ഷേപിച്ചു. ബാലസോര്‍ ജില്ലയിലെ ചന്ദിപ്പൂരിലെ ഇന്റഗ്രേറ്റഡ് ടെസ്റ്റ് റേഞ്ചില്‍ നിന്ന് രാവിലെ 8.16നാണ് വിക്ഷേപിച്ചത്. ഉപരിതലത്തില്‍ നിന്ന് ആകാശത്തേക്കു തൊടുത്തുവിടാവുന്ന മിസൈല്‍, ആകാശ ഭീഷണിയായി വരുന്ന എയര്‍ക്രാഫ്റ്റ്, ഹെലികോപ്റ്റര്‍ തുടങ്ങിയവയെ നേരിടാനുതകുന്നതാണ്.

ഇസ്രയേലിന്റെ എറോസ്പേസ് ഇന്‍ഡസ്ട്രീസും ഇന്ത്യയുടെ ഡിഫന്‍സ് റിസര്‍ച്ച്‌ ആന്‍ഡ് ഡെവലപ്മെന്റ് ഓര്‍ഗനൈസേഷനും (ഡിആര്‍ഡിഒ) ഇസ്രയേലിന്റെ ഡെവലപ്മെന്റ് ഓഫ് വെപ്പണ്‍സ് ആന്‍ഡ് ടെക്നോളജിക്കല്‍ ഇന്‍ഫ്രാസ്ട്രക്ചറും സംയുക്തമായാണ് മിസൈല്‍ നിര്‍മിച്ചത്.