അഹമ്മദാബാദ്: ലോകരാജ്യങ്ങൾക്കിടയിൽ ഇന്ത്യക്ക് നഷ്ടപ്പെട്ട സ്ഥാനം അടുത്ത അഞ്ച് വർഷത്തിനുള്ളിൽ വീണ്ടെടുക്കുമെന്ന് നരേന്ദ്ര മോദി. തെരഞ്ഞെടുപ്പിൽ വൻ വിജയം നേടിയശേഷം ഞായറാഴ്ച അഹമ്മദാബാദിൽ പൊതുപരിപാടിയിൽ സംസാരിക്കുമ്പോഴായിരുന്നു മോദിയുടെ പ്രസ്താവന. സൂറത്തിലെ തീപിടുത്തത്തിന്റെ പശ്ചാത്തലത്തിൽ ലളിതമായാണ് പരിപാടി സംഘടിപ്പിച്ചത്. അടുത്ത അഞ്ച് വർഷങ്ങൾ 1942-47 കാലയളവിലെപ്പോലെ നിർണ്ണായകമായിരിക്കുമെന്നും മോദി പറഞ്ഞു. സൂറത്തിൽ തീപിടുത്തത്തിൽ മരിച്ച 22 വിദ്യാർത്ഥികളുടെ മരണത്തിൽ മോദി അനുശോചനം അറിയിച്ചു.
ഇന്നലെവരെ പരിപാടിയിൽ പങ്കെടുക്കണോ വേണ്ടയോ എന്ന സംശയത്തിലായിരുന്നു. ഒരുഭാഗത്ത് കർത്തവ്യവും മറുവശത്ത് വിദ്യാർത്ഥികളുടെ മരണത്തിലുണ്ടായ ദുഃഖവുമായിരുന്നു. ദുരന്തത്തിൽപ്പെട്ട വിദ്യാർത്ഥികളുടെ മാതാപിതാക്കളുടെ അവസ്ഥ വിവരിക്കാൻ കഴിയില്ലെന്നും മോദി പറഞ്ഞു.
ഇന്നലെവരെ പരിപാടിയിൽ പങ്കെടുക്കണോ വേണ്ടയോ എന്ന സംശയത്തിലായിരുന്നു. ഒരുഭാഗത്ത് കർത്തവ്യവും മറുവശത്ത് വിദ്യാർത്ഥികളുടെ മരണത്തിലുണ്ടായ ദുഃഖവുമായിരുന്നു. ദുരന്തത്തിൽപ്പെട്ട വിദ്യാർത്ഥികളുടെ മാതാപിതാക്കളുടെ അവസ്ഥ വിവരിക്കാൻ കഴിയില്ലെന്നും മോദി പറഞ്ഞു.