കോയമ്പത്തൂർ: ബാലാക്കോട്ട് ആക്രമണം ലക്ഷ്യം കണ്ടുവെന്ന് വ്യക്തമാക്കി വ്യോമസേനാ മേധാവി എയർ ചീഫ് മാർഷൽ ബി.എസ് ധനോവ. കൊല്ലപ്പെട്ട ഭീകരരുടെ കണക്ക് പുറത്ത് വിടേണ്ടത് സർക്കാരാണ്, അത് വ്യോമസേനയുടെ ജോലിയല്ലെന്നും ധനോവ പറഞ്ഞു. മിഗ് 21 മികച്ച യുദ്ധവിമാനമാണ്. ശത്രുവിനെ നേരിടാൻ നൂനതന സംവിധാനങ്ങൾ ഉൾപ്പെടുത്തിയ വിമാനമാണ് മിഗ് 21. ലക്ഷ്യസ്ഥാനത്ത് കൊള്ളിച്ച് തന്നെ തങ്ങൾ കൃത്യമായി ആക്രമണം നടത്തി. അങ്ങനെയല്ല എങ്കിൽ, പിന്നെ എന്തിന് പാക് പ്രധാനമന്ത്രി ഇമ്രാൻ ഖാൻ പ്രതികരിച്ചുവെന്നും ധനോവ ചോദിച്ചു. ഇന്ത്യയുടെ വിമാനങ്ങൾ എല്ലാം ശത്രുവിനെ നേരിടാൻ പ്രാപ്തമാണ്. ബെംഗലൂരു എയർഷോയിൽ വിമാനങ്ങൾ കൂട്ടിയിടിച്ച സംഭവം അന്വേഷിക്കുമെന്നും ധനോവ വ്യക്തമാക്കി.
വിങ് കമാൻഡർ അഭിനന്ദൻ തിരികെ എത്തിയതിൽ ഏറെ സന്തോഷമുണ്ട്. അഭിനന്ദൻ വിമാനം തകരുന്നതിന് മുൻപ് ഇജക്ട് ചെയ്ത് ചാടിയതിനാൽ ഉണ്ടായ പരിക്ക് എത്രത്തോളമെന്ന് കണ്ടെത്തണം. ഏത് രീതിയിലുള്ള ചികിത്സയാണ് കൊടുക്കേണ്ടത് എന്ന് വിലയിരുത്താനാണ് വിശദമായ പരിശോധന നടത്തുന്നതെന്നും ധനോവ കൂട്ടിച്ചേർത്തു.
വിങ് കമാൻഡർ അഭിനന്ദൻ തിരികെ എത്തിയതിൽ ഏറെ സന്തോഷമുണ്ട്. അഭിനന്ദൻ വിമാനം തകരുന്നതിന് മുൻപ് ഇജക്ട് ചെയ്ത് ചാടിയതിനാൽ ഉണ്ടായ പരിക്ക് എത്രത്തോളമെന്ന് കണ്ടെത്തണം. ഏത് രീതിയിലുള്ള ചികിത്സയാണ് കൊടുക്കേണ്ടത് എന്ന് വിലയിരുത്താനാണ് വിശദമായ പരിശോധന നടത്തുന്നതെന്നും ധനോവ കൂട്ടിച്ചേർത്തു.