ശ്രീനഗർ: ജമ്മു കശ്മീരിൽ സൈനിക ഹെലികോപ്റ്റർ തകർന്നു വീണ് പൈലറ്റ് മരിച്ചു. പരിക്കേറ്റ മറ്റൊരു പൈലറ്റ് ചികിത്സയിൽ തുടരുകയാണ്. നിയന്ത്രണരേഖയിലെ ഗുരെസ് സെക്ടറിലെ ബറോം മേഖലയിലാണ് സൈന്യത്തിൻ്റെ ചീറ്റ ഹെലികോപ്റ്റർ അപകടത്തിൽപ്പെട്ടത്.
ചികിത്സയിലുള്ള സഹപൈലറ്റിൻ്റെ നില ഗുരുതരമാണെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. മരിച്ച പൈലറ്റിൻ്റെ പേരുവിവരങ്ങൾ ഇതുവരെ പുറത്തുവിട്ടിട്ടില്ല.
അപകടത്തിന് കാരണം എന്താണെന്ന് വ്യക്തമായിട്ടില്ല. മഞ്ഞുവീഴ്ചയാണ് അപകടത്തിന് കാരണമായതെന്നാണ് പ്രാഥമിക നിഗമനം. എന്നാൽ ഇക്കാര്യത്തിൽ ഔദ്യോഗിക സ്ഥിരീകരണം ഉണ്ടായിട്ടില്ല. ഹെലികോപ്റ്റർ ലാൻഡ് ചെയ്യാൻ ശ്രമിക്കുന്നതിനിടെ മോശം കാലാവസ്ഥയെ തുടർന്ന് സഞ്ചരപാത മാറുകയായിരുന്നുവെന്നും ഇതിനിടെയാണ് അപകടം ഉണ്ടായതെന്നുമാണ് റിപ്പോർട്ടുകൾ.
അപകടത്തിന് മുൻപ് ഹെലികോപ്റ്ററുമായുള്ള ബന്ധം നഷ്ടപ്പെട്ടിരുന്നതായി അധികൃതർ വ്യക്തമാക്കിയതായി ഇന്ത്യ ടുഡേ റിപ്പോർട്ട് ചെയ്തു. ആരോഗ്യപ്രശ്നങ്ങൾ നേരിടുന്ന അതിർത്തി സുരക്ഷാസേനാംഗങ്ങളെ കൊണ്ടുവാരാൻ എത്തിയതാണ് ഹെലികോപ്റ്റർ.
ചികിത്സയിലുള്ള സഹപൈലറ്റിൻ്റെ നില ഗുരുതരമാണെന്നാണ് ദേശീയ മാധ്യമങ്ങൾ റിപ്പോർട്ട് ചെയ്യുന്നത്. മരിച്ച പൈലറ്റിൻ്റെ പേരുവിവരങ്ങൾ ഇതുവരെ പുറത്തുവിട്ടിട്ടില്ല.
അപകടത്തിന് കാരണം എന്താണെന്ന് വ്യക്തമായിട്ടില്ല. മഞ്ഞുവീഴ്ചയാണ് അപകടത്തിന് കാരണമായതെന്നാണ് പ്രാഥമിക നിഗമനം. എന്നാൽ ഇക്കാര്യത്തിൽ ഔദ്യോഗിക സ്ഥിരീകരണം ഉണ്ടായിട്ടില്ല. ഹെലികോപ്റ്റർ ലാൻഡ് ചെയ്യാൻ ശ്രമിക്കുന്നതിനിടെ മോശം കാലാവസ്ഥയെ തുടർന്ന് സഞ്ചരപാത മാറുകയായിരുന്നുവെന്നും ഇതിനിടെയാണ് അപകടം ഉണ്ടായതെന്നുമാണ് റിപ്പോർട്ടുകൾ.
അപകടത്തിന് മുൻപ് ഹെലികോപ്റ്ററുമായുള്ള ബന്ധം നഷ്ടപ്പെട്ടിരുന്നതായി അധികൃതർ വ്യക്തമാക്കിയതായി ഇന്ത്യ ടുഡേ റിപ്പോർട്ട് ചെയ്തു. ആരോഗ്യപ്രശ്നങ്ങൾ നേരിടുന്ന അതിർത്തി സുരക്ഷാസേനാംഗങ്ങളെ കൊണ്ടുവാരാൻ എത്തിയതാണ് ഹെലികോപ്റ്റർ.