രണ്ട് ലഷ്‍കര്‍ ഭീകരരെ ഇന്ത്യ സൈന്യം വധിച്ചു

ശ്രീനഗര്‍: കശ്‍മീരിലെ അനന്ത്നാഗില്‍ രണ്ട് ലഷ്‍കര്‍-ഇ-തയ്‍ബ ഭീകരരെ വധിച്ചതായി ഇന്ത്യന്‍ സൈന്യം. തെക്കന്‍ കശ്‍മീരിലെ ലാല്‍ചൗക്ക് മേഖലയിലാണ് ബുധനാഴ്‍ച്ച ഏറ്റുമുട്ടലുണ്ടായത്. കഴിഞ്ഞ രണ്ട് ദശാബ്‍ദത്തിന് ഇടയില്‍ ആദ്യമായാണ് അന്ത് നാഗില്‍ തീവ്രവാദ പ്രവര്‍ത്തനങ്ങള്‍ ശ്രദ്ധയില്‍പ്പെടുന്നതെന്ന് സൈനിക വൃത്തങ്ങള്‍ റിപ്പോര്‍ട്ട് ചെയ്യുന്നു.

അബിദ് ഹുസൈന്‍ ഭട്ട്, ബിലാല്‍ അഹ്‍മദ്‍ ദര്‍ എന്നിവരെയാണ് സൈന്യം കൊലപ്പെടുത്തിയത്. ഇതില്‍ അഹ്‍മദ് ദര്‍ ഇതിന് മുന്‍പും വിവിധ ഭീകരവാദ കേസുകളില്‍ പ്രതിചേര്‍ക്കപ്പെട്ടിട്ടുള്ളയാളാണ്. ദര്‍ന്‍റെ മൃതദേഹം മറവ് ചെയ്‍തതിന് ശേഷം സൈനിക ഉദ്യോഗസ്ഥരുമായി പ്രദേശവാസികള്‍ ഏറ്റുമുട്ടി. ഇതില്‍ അഞ്ച് പേര്‍ക്ക് പരിക്കുണ്ട്.

അനന്ത്‍നാഗ് ടൗണില്‍ നിലവില്‍ കര്‍ഫ്യൂ പ്രഖ്യാപിച്ചിരിക്കുകയാണ്. കൂടുതല്‍ പ്രതിഷേധങ്ങളും ആക്രമണങ്ങളും ഉണ്ടാകാതിരിക്കാനാണ് നടപടിയെന്ന് പോലീസ് വിശദീകരിച്ചു.