ലഡാക്കിൽ പിടിയിലായ സൈനികനെ ചൈനയ്ക്ക് കൈമാറി

ശ്രീനഗർ: അതിർത്തി കടന്ന് ഇന്ത്യൻ പ്രദേശത്ത് എത്തിയ ചൈനീസ് സൈനികൻ വാങ് യാ ലോങ്ങിനെ കൈമാറി. ഇദ്ദേഹത്തെ ചുഷൂൽ മോൾഡോ മീറ്റിങ് പോയിന്റിൽ വെച്ചാണ് ചൈനയ്ക്ക് കൈമാറിയത്. ലഡാഖിലെ ചുമാര്‍ - ദെംചോക് പ്രദേശത്തു വെച്ചാണ് ഇയാളെ പിടികൂടിയത്.

Also Read: അതിര്‍ത്തി കടന്ന ചൈനീസ് സൈനികനെ പിടികൂടി ഇന്ത്യൻ സൈന്യം; ചൈനയിലേയ്ക്ക് തിരിച്ചയയ്ക്കും

നിരവധി ഇന്ത്യൻ ഏജൻസികൾ സൈനികരെ ചോദ്യം ചെയ്തിരുന്നു. ചാരപ്രവർത്തിയുടെ ഭാഗമായാണോ അതോ അബദ്ധത്തിൽ അതിർത്തി കടന്നതാണോ എന്നാണ് അന്വേഷണ ഏജൻസികൾ പരിശോധിച്ചത്.

തന്റെ യാക്ക് വീണ്ടെടുക്കുന്നതിനാണ് അതിർത്തി കടന്നതെന്ന് സൈനികൻ വ്യക്തമാക്കി. ഇയാളിൽ നിന്നും ആയുധങ്ങളൊന്നും കണ്ടെടുത്തിരുന്നില്ല. ഇയാളെ മോചിപ്പിക്കണമെന്നാവശ്യപ്പെട്ട് ചൈനീസ് സൈന്യം ഇന്ത്യയെ സമീപിച്ചിരുന്നു.

Also Read: തകരുമോ ഇന്ത്യൻ നിയന്ത്രണം? കശ്‌മീരിൽ പുതിയ തന്ത്രവുമായി പാകിസ്ഥാൻ, അതിർത്തിക്കപ്പുറത്ത് ടവറുകള്‍ സ്ഥാപിക്കാൻ നീക്കം

അതേസമയം, പിടിയിലായ സമയത്ത് ഇയാളുടെ കൈവശം ഔദ്യോഗിക, സൈനിക രേഖകളുണ്ടായിരുന്നുവെന്ന് റിപ്പോർട്ടുകൾ ഉണ്ടായിരുന്നു. പിടിയിലായ സൈനികന് ഓക്സിജൻ അടക്കമുള്ള വൈദ്യസഹായവും ഭക്ഷണവും തണുപ്പകറ്റാനുള്ള വസ്ത്രങ്ങളും നല്‍കിയതായും സൈന്യം നേരത്തെ പ്രസ്താവനയിൽ വ്യക്തമാക്കിയിരുന്നു.