ഇന്ത്യന്‍ മത്സ്യത്തൊഴിലാളി ശ്രീലങ്കന്‍ നാവികസേനയുടെ വെടിയേറ്റ് മരിച്ചു

മധുര: ശ്രീലങ്കന്‍ നാവികസേനയുടെ വെടിയേറ്റ് ഇന്ത്യന്‍ മത്സ്യത്തൊഴിലാളി മരിച്ചു. രാമേശ്വരം തങ്കച്ചിമഠം സ്വദേശിയായ ബ്രിസ്റ്റോ (22) ആണ് മരിച്ചത്. മത്സ്യ ബന്ധനത്തിന് ശേഷം കരയിലേക്ക് മടങ്ങും വഴിയാണ് ബ്രിസ്റ്റോയ്ക്ക് വെടിയേറ്റത്. കച്ചിത്തീവ് തീരത്തിന് സമീപത്ത് വെച്ച് തിങ്കളാഴ്ച രാത്രിയായിരുന്നു സംഭവം

മൃതദേഹം രാമേശ്വരം സര്‍ക്കാര്‍ ആശുപത്രിയില്‍ സൂക്ഷിച്ചിരിക്കുകയാണ്. ബ്രിസ്റ്റോയുടെ കൂടെയുണ്ടായിരുന്ന മത്സ്യത്തൊഴിലാളിയായ ശരവണന് (22) പരിക്കേറ്റു. വെടിവെപ്പില്‍ ഇയാളുടെ കാലിനാണ് പരിക്കേറ്റത്.

Indian fisherman from Rameswaram, Tamil Nadu shot dead by Sri Lankan navy (earlier visuals) pic.twitter.com/6Ia60wGoTS — ANI (@ANI_news) March 7, 2017 തിങ്കളാഴ്ച രാമേശ്വരം തുറമുഖത്ത് നിന്ന് ബ്രിസ്റ്റോയുടെ വള്ളം അടക്കം 400 വള്ളങ്ങളാണ് മത്സ്യബന്ധനത്തിന് പോയിരുന്നത്.

വള്ളത്തിന് സമീപത്ത് എത്തിയാണ് ശ്രീലങ്കന്‍ നാവികസേന വെടിയുതിര്‍ത്തതെന്ന് ഫിഷറീഷ് വകുപ്പ് അസിസ്റ്റന്‍റ് ഡയറക്ടര്‍ കുലച്ചിനാഥന്‍ മാധ്യമങ്ങളോട് പറഞ്ഞു. അതേസമയം, വെടിവെപ്പ് നടന്നുവെന്ന വാര്‍ത്ത ശ്രീലങ്കന്‍ നാവികസേന നിഷേധിച്ചു.

Indian Fisherman Shot Dead Allegedly By Sri Lankan Navy

Indian fisherman from Rameswaram, Tamil Nadu shot dead by Sri Lankan navy.