'പുതിയ രാജ്യം നിര്‍മ്മിച്ച് മാറി താന്‍ താമസിച്ചപ്പോള്‍ പരിഹസിച്ചു'։ കൊവിഡ് പശ്ചാത്തലത്തില്‍ ഇന്ത്യയെ പരിഹസിച്ച് നിത്യാനന്ദ

ന്യൂഡല്‍ഹി։ ലോകം മുഴുവന്‍ കൊവിഡ് 19 ഭീതിയില്‍ തലങ്ങും വിലങ്ങും ഓടുമ്പോള്‍ ഇന്ത്യാക്കാരെ പരിഹസിച്ച് വിവാദ ആള്‍ ദൈവം നിത്യാനന്ദ. ലോകത്താകമാനം 1,60,000 ആളുകള്‍ക്കാണ് കൊവിഡ്19ന്‍ രോഗം ബാധിച്ചിരിക്കുന്നത്. അതിനിടയിലാണ് പരിഹാസത്തിന്റെ ഒളിയമ്പുമായി നിത്യാനന്ദ മുന്നില്‍ വന്നിരിക്കുന്നത്.

Also Read : കൊറോണ വൈറസ്։ ഹെല്‍പ് ലൈൻ നമ്പരുകളും പരിശോധനാ ലാബ് വിശദാംശങ്ങളും

'താന്‍ ആളുകള്‍ക്കിടയില്‍ നിന്നും ഒറ്റപ്പെട്ട് കൈലാസ എന്ന രാജ്യം നിര്‍മ്മിച്ചപ്പോള്‍ കുറേ ഇന്ത്യാക്കാര്‍ എന്നെ പരിഹസിച്ചു. ഇപ്പോള്‍ ലോകം സംസാരിക്കുന്നത് സാമൂഹ്യ ഇടപെടലില്‍ നിന്നും എങ്ങിനെ വിട്ട് നില്‍ക്കാമെന്നാണ്. ഭഗവാന്‍ പരമശിവം തങ്ങളെ രക്ഷിച്ചു. ഇതാണ്, ദൈവത്തിന്റെ ശക്തി.' നിത്യാനന്ദ പറഞ്ഞു.

എന്നാല്‍, നിത്യാനന്ദയ്ക്ക് കൊറോണ വൈറസ് ബാധയില്‍ നിന്നും രക്ഷിക്കാനുള്ള കഴിവുണ്ടെന്ന് കാണിച്ച് ഒരു വീഡിയോ സമൂഹമാധ്യമങ്ങളില്‍ വ്യാപിച്ചിരുന്നു.

Also Read : ഡൽഹി നിയന്ത്രണങ്ങളിലേക്ക്; 50ൽ കൂടുതൽ ആളുകളുടെ സമരം പാടില്ല; ജിം, മാളുകൾ അടച്ചു

മാസങ്ങള്‍ക്ക് മുന്‍പാണ് വിവാദ ആള്‍ദൈവം ഇന്ത്യവിട്ട്. ഇക്വഡോറിൽ ഒരു ദ്വീപ് വിലയ്ക്കെടുത്ത് സ്വന്തമായൊരു രാജ്യം നിര്‍മ്മിച്ചത്. എന്നാല്‍, കൊറോണ ഭീതി കാരണമല്ല മറിച്ച് പീഡനക്കേസ് കുട്ടികളെ തട്ടിക്കൊണ്ടുപോകല്‍ അടക്കമുള്ളവയില്‍ അറസ്റ്റുണ്ടാകുമെന്ന് ഭയന്നാണ് ഇയാള്‍ നാടുവിട്ടത്. പുതിയ രാജ്യമുണ്ടാക്കിയ ഇയാള്‍ അവിടെ സ്വന്തമായി പാസ്പോര്‍ട്ടും മന്ത്രിസഭയും അടക്കം നിര്‍മ്മിച്ചു. വിദേശികൾ അടക്കമുള്ളവർ ഇയാളുടെ ശിഷ്യരാണ്.

ഇതോടെ ആളുകളുമായി അടുത്ത് ഇടപഴകുന്നത് ഒഴിവാക്കണമെന്ന നിര്‍ദ്ദേശം വിവിധ സര്‍ക്കാരുകള്‍ മുന്നോട്ട് വച്ചിരിക്കുകയാണ്. ഇതിന് പിന്നാലെയാണ് വിവാദപരാമര്‍ശവുമായി ഇയാള്‍‍ രംഗത്തുവന്നിരിക്കുന്നത്. നിലവിൽ ഇന്റർപോൾ അടക്കം ഇയാൾക്കായി തിരച്ചിൽ നടത്തിവരികയാണ്.