ട്രെയിനുകളിലും ബ്ലാക്ക് ബോക്സ് സ്ഥാപിക്കാനൊരുങ്ങി ഇന്ത്യൻ റെയിൽവേ

ന്യൂഡൽഹി: വിമാനങ്ങളിലെ ബ്ലാക്ക് ബോക്സിനു സമാനമായ സംവിധാനം ട്രെയിനുകളിലും സ്ഥാപിക്കാനൊരുങ്ങി ഇന്ത്യൻ റെയിൻവേ. യാത്രക്കാരുടെ സുരക്ഷ വര്‍ധിപ്പിക്കുന്നതിന്‍റെ ഭാഗമായി ദൃശ്യങ്ങളും ശബ്ദങ്ങളും റെക്കോഡ് ചെയ്യാൻ സാധിക്കുന്ന ലോക്കോ ക്യാബ് വോയ്സ് റെക്കോഡിങ് (എൽസിവിആ‍ര്‍) ആണ് റെയിൽവേ സ്ഥാപിക്കാനൊരുങ്ങുന്നതെന്ന് എഎൻഐ റിപ്പോര്‍ട്ട് ചെയ്തു.

പുതിയ സംവിധാനം സ്ഥാപിക്കുന്നതോടെ ട്രെയിൻ അപകടങ്ങളുടെ കാരണമെന്താണെന്ന് തിരിച്ചറിയാൻ സാധിക്കുമെന്നതാണ് മെച്ചം. അപകടത്തിന്‍റെ കാരണം സാങ്കേതിക തകരാറാണോ ജീവനക്കാരുടെ ഭാഗത്തുനിന്നുണ്ടായ വീഴ്ചാണോ എന്ന് മനസ്സിലാക്കാൻ സാധിക്കും. ഈ സംവിധാനം വികസിപ്പിച്ചുകൊണ്ടിരിക്കുകയാണെന്നും റെയിൽവേ വൃത്തങ്ങള്‍ പറഞ്ഞു.