ശ്രീനഗറില്‍ തീവ്രവാദി ആക്രമണം: 2 സൈനികര്‍ കൊല്ലപ്പെട്ടു, അക്രമകാരികള്‍ കാറില്‍ രക്ഷപ്പെട്ടു
ജെയ്ഷ് ഭീകര സംഘടനയ്ക്ക് ഇവിടെ സജീവമായ സാന്നിധ്യമുണ്ടെന്ന് പോലീസ് കൂട്ടിച്ചേര്‍ത്തു.
Samayam Malayalam 26 Nov 2020, 5:08 pm
ശ്രീനഗര്‍: ജമ്മു & കശ്മീരിലെ ആര്‍മി പട്രോളിനടുത്ത് ഉണ്ടായ തീവ്രവാദ ആക്രമണത്തില്‍ രണ്ട് ഇന്ത്യന്‍ സൈനികര്‍ കൊല്ലപ്പെട്ടതായി പോലീസ്. മൂന്ന് ഭീകരര്‍ സൈനികര്‍ക്ക് നേരെ വെടിയുതിര്‍ക്കുകയായിരുന്നെന്ന് കശ്മീര്‍ ഐജി എഎന്‍ഐയോട് പറഞ്ഞു. ശ്രീനഗറിലെ എച്ച്എംടി മേഖലയിലാണ് സംഭവം.
Also Read: Live: ആഞ്ഞടിച്ച് നിവാര്‍; 3 മരണം, 101 കുടിലുകള്‍ തകര്‍ന്നു
മൂന്ന് ഭീകരര്‍ സൈനികര്‍ക്ക് നേരെ വെടിയുതിര്‍ക്കുകയായിരുന്നെന്നും ആക്രമണത്തില്‍ ഗുരുതരമായി പരിക്കേറ്റ രണ്ട് ജവാന്മാരെ ആശുപത്രിയിലെത്തിച്ചെങ്കിലും രക്ഷിക്കാനായില്ലെന്നും പോലീസ് പറഞ്ഞു.
Also Read: കർഷക മാർച്ച്: സ്വരാജ് അഭിയാൻ നേതാവ് യോഗേന്ദ്ര യാദവിനെ പോലീസ് കസ്റ്റഡിയിലെടുത്തു
ജെയ്ഷ് ഭീകര സംഘടനയ്ക്ക് ഇവിടെ സജീവമായ സാന്നിധ്യമുണ്ടെന്ന് പോലീസ് കൂട്ടിച്ചേര്‍ത്തു. വൈകുന്നേരത്തോടെ ആക്രമണത്തിന് പിന്നില്‍ ഏത് സംഘടനയാണെന്ന് കണ്ടെത്തും. വെടിയുതിര്‍ത്ത ശേഷം തീവ്രവാദികള്‍ കാറില്‍ രക്ഷപ്പെടുകയായിരുന്നെന്നും ഒരാള്‍ പാകിസ്ഥാന്‍ സ്വദേശിയാണെന്നും മറ്റൊരാള്‍ പ്രാദേശികനാണെന്നും കശ്മീര്‍ ഐജി വ്യക്തമാക്കി.