താലിബാൻ ആക്രമണം: സ്‌പൈസ് ജെറ്റ് വിമാനം രക്ഷപെട്ടു

ന്യൂഡൽഹി: കാബൂൾ വിമാനത്താവളത്തിൽ കഴിഞ്ഞ ദിവസം താലിബാൻ ഭീകരർ നടത്തിയ റോക്കറ്റാക്രമണത്തിൽ നിന്ന് ഇന്ത്യയുടെ സ്‌പൈസ് ജെറ്റ് വിമാനം തലനാരിഴക്ക് രക്ഷപെട്ടു. 180 യാത്രക്കാരുമായി ഡൽഹിയിലേക്ക് പുറപ്പെടാനിരുന്ന വിമാനമാണ് ആക്രമണത്തിൽ നിന്ന് രക്ഷപെട്ടത്. ഹമീദ് കർസായി അന്താരാഷ്ട്ര വിമാനത്താവളത്തിലാണ് ആക്രമണം ഉണ്ടായത്.

അമേരിക്കൻ പ്രതിരോധ സെക്രട്ടറി ജിം മാറ്റിസ്‌ വിമാനമിറങ്ങി അല്പസമയത്തിനുള്ളിലാണ് ആക്രമണമുണ്ടായത്. ആക്രമണം മാറ്റിസിനെ ലക്‌ഷ്യം വെച്ചായിരുന്നുവെന്ന് താലിബാൻ അറിയിച്ചു. ആക്രമണത്തിന്‍റെ ഉത്തരവാദിത്തം താലിബാൻ ഏറ്റെടുത്തു. നിരവധി റോക്കറ്റുകൾ ഉപയോഗിച്ചാണ് വിമാനത്താവളത്തിന് നേരെ ആക്രമണം നടത്തിയത്. ആക്രമണത്തിൽ അഞ്ച് പേർക്ക് പരിക്കേറ്റു.

Indian Spice jet escaped from Taliban atttack

Indian spice jet plane escaped from taliban rocket attack. Taliban aimed the American official who alighted at the airport hours before the attack.