22കാരന് ഗൂഗിളിൽ ജോലി; ശമ്പളം 1.2 കോടി

ബെംഗലുരു: ഇന്ത്യന്‍ ടെക്കിയെ ഗൂഗിള്‍ 1.2 കോടിയോളം രൂപ വാര്‍ഷിക ശമ്പളം നൽകി ജോലിക്കെടുത്തു. മുംബൈ സ്വദേശിയായ 22 കാരൻ ആദിത്യ പലിവാലിനാണ് ഗൂഗിളിന്‍റെ ഈ ഓഫർ ലഭിച്ചിരിക്കുന്നത്. ഇന്റഗ്രേറ്റഡ് എം.ടെക്ക് വിദ്യാര്‍ത്ഥിയാണ് ആദിത്യ. ബെംഗലുരു ഐ.ഐ.ഐ.ടി.ബി വിദ്യാര്‍ഥിയാണ്.

ലോകത്തിലെ തന്നെ ഏറെ പ്രശസ്തിയാർജ്ജിച്ച സെര്‍ച്ച്‌ എഞ്ചിന്‍ ഭീമനായ ഗൂഗിള്‍ ആഗോള തലത്തില്‍ നടത്തിയ പരീക്ഷയിലാണ് ആദിത്യക്ക് നറുക്കുവീണത്. ആകെ 6000 പേര്‍ പങ്കെടുത്ത പരീക്ഷയില്‍ ആദിത്യ ഉള്‍പ്പടെ 50 പേര്‍ക്കാണ് ഈ ജോലി ലഭിച്ചിരിക്കുന്നത്. കമ്പ്യൂട്ടര്‍ ലാഗ്വേജ് കോഡിങ്ങിന്റെ ലോകത്തിലെ ഏറ്റവും പ്രധാന മത്സരമായ എ.സി.എം ഇന്റര്‍നാഷണല്‍ കൊളീജിയേറ്റ് പ്രോഗ്രാമിങ് കോണ്ടെസ്റ്റില്‍ തുടര്‍ച്ചയായ രണ്ട് വര്‍ഷം ഫൈനലിസ്റ്റായിട്ടുമുണ്ട് ആദിത്യ. ജൂലൈ 16ന് ആദിത്യ ഗൂഗിള്‍ സംഘത്തിനൊപ്പം ചേരുമെന്നാണറിയുന്നത്.