പുതിയതായി 48,648 കൊവിഡ് കേസുകൾ
കഴിഞ്ഞ 24 മണിക്കൂറിനുള്ളിൽ ഇന്ത്യയിൽ 48,648 പുതിയ കൊവിഡ് കേസുകൾ സ്ഥിരീകരിച്ചതായി ആരോഗ്യ മന്ത്രലായം വ്യക്തമാക്കി. ഇതോടെ രാജ്യത്തെ ആകെ രോഗബാധിതരുടെ എണ്ണം 80,88,851 ആയി ഉയർന്നു. കഴിഞ്ഞ ദിവസങ്ങളുമായി താരതമ്യം ചെയ്യുമ്പോൾ പുതിയ കൊവിഡ് കേസുകൾ കുറയുന്നതായി കണക്കുകളിൽ നിന്ന് വ്യക്തമാണ്.
കൊവിഡ് മരണസംഖ്യയിൽ മാറ്റം
ഒറ്റ ദിവസത്തിനിടെ 563 പേർ കൂടി കൊവിഡ് ബാധിച്ച് മരിച്ചതോടെ രാജ്യത്തെ ആകെ മരണസംഖ്യ 1,21,090 ആയി ഉയർന്നു. ആരോഗ്യ മന്ത്രാലയത്തിന്റെ കൊവിഡ് റിപ്പോർട്ടുകൾ അനുസരിച്ച് നിലവിൽ 5,94,386 പേർ ചികിത്സയിൽ കഴിയുന്നുണ്ട്. ഇതുവരെ 73,73,37 പേർ രോഗമുക്തി നേടിയതായും അധികൃതർ വ്യക്തമാക്കുന്നു. ദിനം പ്രതിയുള്ള കൊവിഡ് കേസുകൾ ഉയർന്ന തോതിലുണ്ടായിരുന്ന മഹാരാഷ്ട്ര, തമിഴ്നാട്, ആന്ധ്ര, കർണാക എന്നീ സംസ്ഥാനങ്ങളിൽ പുതിയ കേസുകൾ കുറഞ്ഞപ്പോൾ കേരളത്തിലും പശ്ചിമബംഗാളിലും രോഗബാധിതരുടെ എണ്ണം വർധിക്കുകയാണ്.
ഇതുവരെ 10,77,28,088 സാമ്പിളുകൾ പരിശോധിച്ചു
രാജ്യത്തെ കൊവിഡ് കേസുകളിൽ വ്യത്യാസം തുടരുമ്പോഴും ഇതുവരെ 10,77,28,088 സാമ്പിളുകൾ പരിശോധിച്ചതായി കേന്ദ്ര ആരോഗ്യ മന്ത്രാലയം വ്യക്തമാക്കുന്നു. ഒക്ടോബർ 29വരെയുള്ള കണക്കുകളാണിത്. കഴിഞ്ഞ 24 മണിക്കൂറിനിടെ 11,64,648 സാമ്പിളുകൾ പരിശോധിച്ചു. ജനുവരിയിലെ പരിശോധനകളുമായി താരതമ്യം ചെയ്യുമ്പോൾ ടെസ്റ്റ് പോസിറ്റീവിറ്റി നിരക്ക് 10.65 ശതമാനം വർധിച്ചു. കൊവിഡ് പോസിറ്റിവിറ്റി നിരക്ക് 7.54 ശതമാനമായി കുറഞ്ഞെന്നും കേന്ദ്ര ആരോഗ്യ മന്ത്രാലയം വ്യക്തമാക്കുന്നു.
കേരളത്തിൽ ആകെ 4,18,484 കൊവിഡ് കേസുകൾ
കൊവിഡ് പ്രതിരോധ രംഗത്ത് മുൻപന്തിയിലുണ്ടയിരുന്ന കേരളത്തിൽ ആകെ 4,18,484 കേസുകളായി. രാജ്യത്ത് ഏറ്റവുമധികം കൊവിഡ് കേസുകൾ റിപ്പോർട്ട് ചെയ്ത മഹാരാഷ്ട്രയിൽ ആകെ രോഗബാധിതരുടെ എണ്ണം 16,66,668 ആയി. രണ്ടാം സ്ഥാനത്തുള്ള ആന്ധ്രയിൽ 8,17,676 കേസുകൾ റിപ്പോർട്ട് ചെയ്തു. കർണാടകയിൽ 8,16,809 കേസുകളും തമിഴ്നാട്ടിൽ 7,19,403 കേസുകളും റിപ്പോർട്ട് ചെയ്തിട്ടുണ്ട്. 4,77,895 കേസുകളാണ് ഉത്തർപ്രദേശിൽ റിപ്പോർട്ട് ചെയ്തിട്ടുള്ളത്.